Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Ҳиндистонда эгасини пичоқлаб қўйган хўроз суд қилинади

Ҳиндистонда эгасини пичоқлаб қўйган хўроз суд қилинади

Фото: «Fototelegraf.ru»

Ҳиндистоннинг Телангана штатида хўроз уриштиришдан олдин жанговар парранда ўз эгасини ўлдириб қўйди, деб ёзади «Times of India».

Полиция маълумотларига кўра, 45 ёшли Танугул Сатиш хўроз уриштиришда қатнашиш учун паррандасини Жагитал шаҳрига олиб келган. Жанг бошланишидан сал олдин хўроз қочишга уриниб, панжасига боғланган пичоқ билан тасодифан эгасининг чов қисмига зарба бериб юборган. Қонга беланган Сатиш маҳаллий шифохонага юборилган, аммо у йўлда вафот этган.

Ҳуқуқни муҳофаза қилиш органлари қасддан бўлмаган одам ўлдириш ҳолатини қайд этиб, хўрозни полиция маҳкамасига етказишди. Шунга қарамай, улар янгиликлар телеканалларининг парранда ҳибсга олингани ҳақидаги баёнотларини рад этишмоқда.

«Полиция тергов пайтида хўрозни ҳимоя қилиш ва унга боғланган пичоқ билан бирга судда тақдим этиш учун жавобгардир», — деди субинспектор Б.Живан.

Унинг қўшимча қилишича, паррандага айблов эълон қилинмайди, лекин одам ўлимига сабабчи сифатида судга тақдим этилиши керак. Хўрознинг тақдирини судья ҳал қилади.

Живаннинг сўзларига кўра, полиция парранда ўрнига Телангана штатида тақиқланган хўроз уриштиришларида қатнашган одамларни ҳибсга олиб, судга топширади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг