Илон Маск коронавирус вакцинаси олишни қўллаб-қувватлади
Миллиардер ,«Tesla» ва «SpaceX» компаниялари директори Илон Маск коронавирусга қарши эмлашни қўллаб-қувватлашини маълум қилди. Бу ҳақда Маскнинг «Twitter»даги саҳифасига таяниб, «РИА Новости» хабар қилди.
Маълум бўлишича, Илон Маск 2020 йил сентябрь ойида «The New York Times» газетасининг «Sway» подкастига берган интервьюсида коронавирусга қарши эмланмаслиги ва оиласига коронавирус таҳдид солмаётганини таъкидлаганди. Аммо маълум бўлишича миллиардер 2020 йилда коронавирус билан касалланган.
«Мен вакциналарни, хусусан, коронавирусга қарши вакциналарни қўллаб-қувватлайман. Вакцинадан кейин аллергик ҳодисалар пайдо бўлади. Аммо буни EpiPen (аллергияга қарши восита) ёрдамида осонликча ҳал қилиш мумкин», — дея таъкидлаган Маск.
Маълумот ўрнида, Маск қатор баёнотлар билан АҚШда COVID-19 пандемияси сабабли қўйилган чекловларни муддатидан аввал бекор қилиш ва коронавирусга нисбатан ваҳима қилиш аҳмоқгарчилик эканини таъкидлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter