Кардиффда даҳшатли якун. Қўшимча дақиқаларда иккита пенальти! (видео)
«Вулверхэмптон» чемпионшипда 89 очко билан биринчи, «Кардифф» 80 очко билан иккинчи ўринда бормоқда.
Тасаввур қилиш қийин, 2018 йил ҳисобидан бундай даҳшатли якун бўлмаган эди. Воқеа Англиянинг иккинчи даражали лигаси – чемпионшипда ғолиблик учун курашаётган икки жамоа – «Кардифф» ва «Вулверхэмптон» ўртасида 6 апрель тунида бўлиб ўтган баҳсда рўй берди. Гап шундаки, ўйин давомида 0:1 ҳисобида ортда бораётган мезбонлар ўйинга қўшиб берилган дақиқаларда икки маротаба пенальтидан ҳисобни тенглаштириш имкониятига эга бўлишди. Аммо 94-дақиқада Гари Мэдиннинг зарбасини рақиб посбони Жон Ради қайтарган бўлса, иккинчи пенальтини 96-дақиқада Дэвид Хойлетт кўкка совурди.
Ўйиндан кейин «Вулверхэмптон» бош мураббийи Нуну Эшпириту Санту «Кардифф» устози Нил Уорнокнинг қўлини сиқиб қўймоқчи бўлганида Уорнок хоҳламади. 1:0 ҳисобида ғалаба қозонган «Вулверхэмптон» чемпионшипда 89 очко билан биринчи, «Кардифф» 80 очко билан иккинчи ўринда бормоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter