Хабарлар тезкор Телеграм каналимизда Обуна бўлиш ×

Маҳбуслар яна ғалаён кўтарди

Маҳбуслар яна ғалаён кўтарди

Фото: «Caraota Digital»

Венесуэланинг Пуэнте-Айала қамоқхонаси маҳбуслари яна ғалаён кўтарди. Уларнинг очликдан тоқати тоқ бўлгани айтилмоқда. Маълум қилишларича, ҳар бир маҳбусга икки кунда бир марта қайнатилган бир порция гуруч ва макарон берилар эди, холос.

Мана, бир неча кундирки, шугина емиш ҳам йўқ. Қамоқхона маъмурлари маҳбусларнинг яқинларига озиқ-овқат олиб келишларига изн берган. Бироқ бу иш ўз-ўзидан ҳал бўлмайди: бир порция овқатни «ичкарига» киритиш учун бир ярим минг боливар «узатиш» керак. Ҳолбуки, энг кам иш ҳақи икки минг боливарга етмайди...

«El Pitazo» нашрининг хабар беришича, талотўпдан битта маҳбус ҳалок бўлган. Жароҳат олганларнинг сони ҳали номаълум.

Бу мамлакат турмаларидан бўлаётган биринчи ғалаён эмас. Шу йилнинг март ойида маҳбуслар ётоқ матрасларни ёқиб юбориши натижасида катта ёнғин келиб чиққан, оқибатда 68 нафар маҳкум  вафот этган эди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг