Хабарлар тезкор Телеграм каналимизда Обуна бўлиш ×

Машинада қолдириб кетилган чақалоқ ҳалок бўлди

Машинада қолдириб кетилган чақалоқ ҳалок бўлди

Фото: «Hurriyet»

Канаданинг Монреал шаҳрида кун бўйи машинада қолдириб кетилган 6 ойлик чақалоқ ҳалок бўлди. Бу ҳақда «Hurriyet» хабар қилмоқда.

Монреал полиция маҳкамаси матбуот котиби Жин-Пирре Брабантнинг маълум қилишича, отини ошкор қилишни хоҳламаган ота чақалоқни энагага беришни унутиб, машинада қолдириб кетган. Кечки пайт чақалоқни энагадан олиш учун борган ота энаганинг: «Бугун чақалоқни олиб келмадингиз», деган гапларидан сўнг машинаси олдига югурган.

«Ота улови олдига келганида, машинада 6 ойлик чақалоқнинг жасадини кўрган», — дейди Жин-Пирре Брабант.

Чақалоқ эрта тонгдан соат 17:35 гача машинада қолдириб кетилган. Машинада ҳаво етишмаслиги оқибатида у ҳалок бўлган.

Воқеадан сўнг мазаси қочган ота-она шифохонага ётқизилган.

Полиция суриштирув ишларини бошлаб юборган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг