Хабарлар тезкор Телеграм каналимизда Обуна бўлиш ×

Машинафуруш фирибгарнинг кирдикорлари фош бўлди

Машинафуруш фирибгарнинг кирдикорлари фош бўлди

Фото: «Nashi-avto.ru»

2021 йил 1 май куни Сурхондарё вилояти Узун тумани «Янгирўзғор» маҳалласида яшовчи Х.Рахмонали туман ИИБга ариза билан мурожаат этган. Унда 2021 йил 5 март куни  туманнинг «Обизаранг» маҳалласида яшовчи Қ.Парвиз унинг «ВАЗ-2104» русумли автоуловини 33.000.000 (ўттиз уч миллион) сўм эвазига сотиб олишини ваъда қилиб, пулини 20 март кунига қадар беришини айтиб, алдаб, ўзлаштириб кетганлигини билдирган.

Бундан ташқари, 2021 йил 3 май куни туманнинг «Наврўз» маҳалласида яшовчи, уй бекаси Ф.Хайитхол аризасида Қ.Парвиз 17 апрель куни унинг «ВАЗ-2105» русумли автоуловини 13.000.000 (ўн уч миллион) сўмга ҳисоблаб олиб, пулини бермасдан бошқа шахсга сотиб юборганлигини билдирган.

Сурхондарё вилояти ИИБ Ахборот хизмати хабарига кўра, 18 май куни туман ИИБ ҳузуридаги Тергов бўлинмаси томонидан фуқаро Қ.Парвизга нисбатан Жиноят кодексининг 168-моддаси 2-3-қисми «а,б» бандлари билан жиноят иши қўзғатилган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг