Миллиардер ва супермоделнинг 24 ёшли ўғли ўлик ҳолда топилди
Миллиардер Питер Брант ва супермодел Стефани Сеймурнинг ўғли 24 ёшли Гарри Брант гиёҳвандликдан вафот этди. Бу ҳақда «Page Six Style» портали хабар берди.
Йигит 17 январь куни — гиёҳвандликдан даволаниш учун реабилитация клиникасига юборилишидан бир неча кун олдин ўлик ҳолда топилди, дея хабар бермоқда «360» телеканали.
«Ҳалокатли дард уни жуда эрта ҳаётдан олиб кетди. Биз қайғудамиз. У шу ёшида кўпгина ютуқларга эришди. Тирик бўлганида яна қандай ютуқларга эришиши мумкинлигини энди ҳеч қачон билолмаймиз», — дейишди қариндошлари.
Реабилитация марказидан қайтгач, Гарри отасига тегишли бўлган «Interview» журналида ишламоқчи эди, дея хабар берди НСН.
Гарри Брант манекенчи бўлиб ишлаган, мода намойишларида қатнашган, «Vogue Italia» журнали учун суратларга тушган, Balmain ва Dior брендлари билан ҳамкорлик қилган. У, шунингдек, акаси билан биргаликда декоратив косметик воситаларини ишлаб чиқарган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter