Миллий гвардия ходимлари «Қичқириқ» каналига чўкаётган аёлни қутқарди
7 апрелда Тошкент шаҳри, Олмазор туманидан оқиб ўтувчи «Қичқириқ» канали атрофида хизмат олиб бораётган Миллий гвардия ходимларини нотаниш йўловчи тўхтатиб, каналда одам чўкаётганлиги юзасидан хабар берган.
Шундан сўнг, ходимлар тезкорлик билан кўрсатилган манзилга етиб борган ва барча хавфсизлик чораларини кўрган ҳолда канал бўйидаги дарахтга тирмашиб турган фуқарони сувдан арқон ёрдамида қутқариб олиб, биринчи ёрдам кўрсатганлар.
Мазкур фуқаро сўнгра ИИБга етказилган. У ерда фуқарога шифокорлар томонидан тиббий ёрдам кўрсатилиб, масъул психолог ходими томонидан суҳбат ўтказилган.
Ҳозирда ҳолат юзасидан текширув ишлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter