133,2 миллионлик келишувлар. Ўзбекистон-Тожикистон бизнес форуми натижалари маълум қилинди
Тожикистон Республикаси президенти Эмомали Раҳмоннинг Ўзбекистон Республикасига Давлат ташрифи доирасида Тошкент шаҳрида Ўзбекистон-Тожикистон бизнес-форуми ҳамда «Тожикистонда ишлаб чиқарилган» миллий маҳсулотлар кўргазмаси бўлиб ўтди.
Ўзбекистон Ташқи савдо вазирлиги матбуот-хизмати хабар беришича, ушбу бизнес-форумда икки давлатнинг 400дан ортиқ тадбиркорлари иштирок этди.
Музокаралар якунига кўра, умумий 133,2 млн доллар миқдорида 58та шартнома ва келишувлар имзоланди. Улардан 52таси — умумий 89,9 млн долларга тенг экспорт шартномалари, 3 таси — 3,3 млн доллар ҳажмида импорт шартномалари ва қолган учтаси — молиявий ҳамкорлик бўйича келишувлар (40 млн доллар). Жумладан, нефт-газ, металлургия, машинасозлик, электротехника, кимё, қурилиш, фармацевтика, озиқ-овқат саноатлари, молия ва бошқа соҳаларга оид келишувлар имзоланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter