ЎзМТРК раиси ўринбосари лавозимидан озод этилди
Ўзбекистон Миллий телерадиокомпанияси раисининг кадрлар ва режим масалалари бўйича ўринбосари лавозимида ишлаб келган Абдусалом Шодмонов бундан бир неча кун илгари эгаллаб турган лавозимидан озод этилди. Бу ҳақда «Xabar.uz» манбаси хабар берди.
Айтишларича, бунга компания тизимида мазкур штатнинг қисқартирилиши сабаб бўлган. Компания расмий сайтида бу ҳақда маълумот берилмаган, аммо раис ўринбосарлари рўйхатида нафақат А. Шодмонов, балки унинг лавозим ва штати ҳам келтирилмаган.
Бугунги кунда компания раиси вазифасини бажарувчи Алишер Ходжаев, ижодий масалалар бўйича биринчи ўринбосар Хайрулла Нуритдинов, иқтисодий масалалар бўйича Сардор Мирзакаримов ва техник масалалар бўйича Нусратулла Ҳикматуллаев ўринбосар сифатида фаолият кўрсатиб келмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter