Президент аёл депутатларга мурожаат қилди: «Микрофонингизни ўчириб қўйишса, микрофонсиз гапиришни ўрганинг»
Ўзбекистон Республикаси Президенти Олий Мажлис Қонунчилик палатаси депутатларига мурожаат қилди. Бу ҳақда Xаbar.uz мухбири маълум қилди.
Мурожаат давомида Шавкат Мирзиёев аёл депутатларнинг ўрнига алоҳида урғу берди.
«Мен бу ерда ўтирган ҳар бир депутатнинг саволига жавоб беришга тайёрман. Уларнинг бирортаси ҳам «Мен ўз туманимда Президент билан кўришмаганман», дея олмайди. Чунки барча билан кўришганман, танийман.
Мени хурсанд қиладиган томони янги сайловлар натижасида 48 нафар аёл Қонунчилик палатасига сайланди. Бундан беҳад хурсандман. Чунки улар чекка туман ва қишлоқлардаги муаммоларни жуда яхши билади, ўз танасида ҳис қилади ва ҳал қилиш учун қўлидан келган барча ишни амалга оширади.
Мен аёл депутатларимизга ишонаман ва уларга мурожаат қилмоқчиман: ҳеч қачон муаммоларни кўтариб чиқишдан қўрқманг. Агар микрофонингизни ўчириб қўйишса, микрофонсиз гапиришни ўрганинг», — дейди Шавкат Мирзиёев.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter