Саудия Арабистони бу йилги Ҳаж зиёрати асосий шартини эълон қилди
Бу йил Ҳаж зиёратига борувчилар COVID-19 га қарши албатта вакцина қабул қилган бўлишлари шарт. Саудия Арабистони соғлиқни сақлаш вазири Тауфиқ ар-Рабиа бу ҳақда маълум қилди.
Ҳаж сафари июль ойининг иккинчи ярмига тўғри келади.
ТАСС хабарига кўра, 2020 йили коронавирус пандемияси сабабли атиги 10 минг киши Ҳаж амалларини бажарди: 30 фоизи саудияликлар, 70 фоизи хорижликлар. Ўшанда 20-50 ёшлар оралиғидаги, сурункали хасталиклари бўлмаганлар, илгари зиёратга келмаганлар ва карантин даври талабларига кўнганларга чекланган тартибда махсус рухсатномалар берилганди.
Саудия Арабистони ўтган йилнинг ноябрь ойидан 50 ёшгача бўлган, ПЗР-тести манфий чиққанларга Умра зиёратига киришга аста-секин рухсат беришни бошлаганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter