Швед олимлари Альцгеймер касаллигининг илк аломатини фош этишди
Швециялик олимлар Альцгеймер (кексаликда хотирани йўқотиш касаллиги)нинг илк аломатларини топишди. Бу ҳақда «REGNUM» ахборот агентлиги «Sveriges Radio SR» порталига асосланиб хабар берди.
Гётеборг университетининг психиатрия кафедраси профессори Ингмар Скугнинг таъкидлашича, кундузи ухлаш эҳтиёжи Альцгеймер хасталигида мия зарарланишининг биринчи аломати бўлиши мумкин.
Тадқиқот миянинг турли марказларида оқсилнинг муайян типи борлигини кўрсатди. Миядаги ўзига хос ушбу оқсил миқдори кундузи тетик бўлиш имконини белгилаб беради. Альцгеймер касаллиги билан зарарланган мия 75 фоиз нерв ҳужайраси, шу билан бирга, кўп миқдорда оқсилни йўқотади, бу эса кундузи уйқучанликни келтириб чиқаради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter