Ангренда ниқобли босқинчилар гуруҳи қўлга олинди
Жорий йилнинг 26 февраль куни Тошкент вилоятининг Ангрен шаҳрида тўрт нафар ниқобли шахс Д.М. исмли аёлнинг уйига бостириб кирганлар.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, уйнинг ҳовлисида бўлган Д.М.нинг келини уларни кўриб, шовқин кўтариши натижасида жиноятчилар воқеа жойидан ҳеч нарса ололмай, қочиб кетганлар.
Кўрилган чоралар натижасида жиноят содир этган шахсларнинг барчаси қўлга олинди. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Аввароқ, ИИВ Сирдарёда ҳайдовчига ҳужум қилган талончи ушланганини хабар берганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter