Трампга қабристон суратини совға қилишди
Европа комиссияси раҳбари Жан-Клод Юнкер АҚШ президенти Доналд Трампга ҳарбий қабристоннинг суратини совға қилди, дея хабар беради «РИА Новости» ахборот агентлиги.
Суратда Люксембургдаги генерел Жорж Паттон дафн этилган қабристон тасвирланган. У Иккинчи жаҳон урушида Норманддаги Иттифоқ кучлари қўмондони бўлган.
«Ҳурматли Доналд. Келинг, умумий тарихимизни унутмайлик!», – деб ёзилган сурат остида.
Куни кеча Вашингтонда Юнкер ва Трампнинг учрашуви бўлиб ўтди. Сиёсатчилар учрашувда савдо бўйича баҳсларни ҳал қилиш, тижорат тўсиқларига барҳам бериш ҳамда икки томонлама солиқларни олиб ташлаш бўйича ишчи гуруҳи тузишга келишиб олишди.
АҚШ президенти музокаралар Вашингтон ва Люксембург ўртасидаги алоқаларни янги босқичга кўтаришини таъкидлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter