Трампга шубҳали конверт юборилди
АҚШ махфий хизмати Трампга юборилган шубҳали конвертни қўлга киритди, дея хабар беради «РИА Новости» ахборот агентлиги.
Бу конверт шу йил 1 октябрь куни АҚШ президенти Доналд Трампга жўнатилган.
«Махфий хизмат 2018 йил 1 октябрь куни президентга жўнатилган шубҳали конвертни қўлга киритганини тасдиқлаши мумкин. Конверт Оқ уйда қабул қилиб олинмаган ва ҳеч қачон Оқ уйга етиб келмаган ҳам», – дейилади хабарда.
Махфий хизмат ҳуқуқ-тартибот идоралари билан ушбу воқеа юзасидан суриштирув ишларини бошлаган.
Аввалроқ рицин заҳарли моддаси излари аниқланган иккита конверт Пентагонга ҳам жўнатилган эди. Бу мактублар АҚШ Мудофаа вазири Жеймс Мэттис ва ҳарбий денгиз операциялари адмирали Жон Ричардсонга юборилган. Ушбу икки мактуб ҳам эгаларига етиб улгурмай ушлаб қолинган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter