Жанубий Кореянинг собиқ президенти билан боғлиқ суд жараёни жонли эфирда кўрсатилади
Жанубий Кореянинг коррупцияда айбланаётган собиқ президенти Пак Кин Хенинг иши бўйича суд жараёни маҳаллий телевидение орқали жонли эфирда намойиш этилади. Бу ҳақда бугун, 3 апрель куни «РИА Новости» маълум қилди.
«Суд ҳайъати бир қанча омиллар, жумладан жамоатчилик қизиқишидан келиб чиқиб, тўғридан-тўғри телетранслаяцияга рухсат беради», — дея маълум қилган суд вакили.
Собиқ президент Пак Кин Хе 2017 йил апрел ойида қўлга олинган ва жами 18 пункт, жумладан, коррупция, мансаб ваколати доирасидан четга чиқиш, шунингдек давлат маълумотларини ошкор қилишда айбланган. Мамлакат прокуратураси бунинг учун 30 йил қамоқ жазосини сўраган. Собиқ президент иши бўйича қарор шу йилнинг 6 апрель куни эълон қилиниши кутилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter