Андроид қурилмалар учун Xabar.uz мобил иловаси. Юклаб олиш ×

Шавкат Мирзиёев кузда Ҳиндистонга ташриф буюради

Шавкат Мирзиёев кузда Ҳиндистонга ташриф буюради

Фото: «ЎзА»

Ўзбекистон Республикаси Президенти Шавкат Мирзиёев шу йилнинг куз ойида Ҳиндистонга расмий ташриф буюириши режалаштирилган. Бу ҳақда Ташқи ишлар вазирлиги сайтида хабар берилган.

28 март куни Ташқи ишлар вазири Абдулазиз Камилов Афғонистон бўйича «Тинчлик жараёни, хавфсизлик соҳасида ҳамкорлик ва минтақавий шериклик» мавзусидаги халқаро конференцияда иштирок этган Ҳиндистон Республикаси Давлат ташқи ишлар вазири Мобашер Жавед Акбар билан учрашди.

Суҳбат аввалида Мобашер Жавед Акбар Ҳиндистон делегацияси номидан Ўзбекистон ҳукуматини Афғонистон тинчлик жараёни ва минтақамиз учун Тошкент форумининг муҳим якунлари билан табриклади. Конференцияда БМТ хавфсизлик кенгашининг доимий аъзолари, халқаро ва минтақавий тузилмалар ҳамда Афғонистонга қўшни давлатларнинг юқори даражали делегациялари йиғилганлиги қайд этилди.

Учрашувда Ўзбекистон Президенти Шавкат Мирзиёевнинг жорий йил кузига режалаштирилган Ҳиндистонга расмий ташрифига тайёргарликнинг амалий жиҳатлари ва олий даражада бўлажак музокаралар кун тартибига асосий эътибор қаратилди.

Суҳбат чоғида икки ва кўп томонлама шакллардаги Ўзбекистон-Ҳиндистон ҳамкорлигининг бошқа масалалари муҳокама қилинди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг