Андроид қурилмалар учун Xabar.uz мобил иловаси. Юклаб олиш ×

Шавкат Мирзиёев Қарши туманидаги хорижий корхона билан танишди

Шавкат Мирзиёев Қарши туманидаги хорижий корхона билан танишди

Фото: «President.uz»

Ўзбекистон Президенти Шавкат Мирзиёев Қарши туманидаги «LT Textile International» хорижий корхонаси фаолияти билан танишди. Бу ҳақда Президент матбуот хизмати хабар берди.

Шавкат Мирзиёев корхона фаолияти билан танишди, хорижлик инвесторлар билан суҳбатлашди. Тўғридан-тўғри инвестицияларни рағбатлантириш, экспорт фаолиятини ривожлантириш, иш ўринларини кўпайтириш бўйича топшириқлар берди.

Шу ерда Қашқадарё вилоятида тикув-трикотаж саноатини ривожлантириш дастури тақдим этилди. Хусусан, «LT Textile International» масъулияти чекланган жамиятини ривожлантиришнинг II ва III босқичлари доирасида амалга ошириладиган ишлар лойиҳаси ҳақида маълумот берилди.

Маълумот ўрнида қайд этиш керак, Президент ўтган йил февраль ойида Қашқадарё вилоятига ташрифи чоғида бегилаб берилган вазифаларга мувофиқ қурилган мазкур корхонанинг биринчи босқичи 2017 йил июль ойида фойдаланишга топширилди. Бу ерга Германия ва Швейцариядан замонавий ва энергиятежамкор тўқимачилик асбоб-ускуналар келтириб ўрнатилди. 700 дан ортиқ иш ўрни яратилди. 60 нафарга яқин ёшлар Хитойда касб маҳоратини ошириб қайтган.

Корхонада пахта толаси қайта ишланиб, йилига 22 минг тонна ип-калава маҳсулоти ишлаб чиқариш имконияти мавжуд. Маҳсулотнинг асосий қисмини экспортга йўналтириш кўзда тутилган. Ўтган даврда 4 минг 600 тоннадан зиёд пахта толаси қайта ишланиб, 3,5 минг тоннадан зиёд ип-калава экспорт қилинди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг