Бир йил ичида нархи «осмон»лаганлар: улар орасида 30 ёшли футболчи ҳам бор (ТОП-10)

Бир йил ичида нархи «осмон»лаганлар: улар орасида 30 ёшли футболчи ҳам бор (ТОП-10)

Фото: «Barca.ru»

Бир йил ичида қайси футбол юлдузи қанчага қимматлади? «Transfermarkt» уларнинг «ТОП-10»лигини тузди.

  1. Кевин Де Брейне (26 ёш), «Манчестер Сити»

+50 млн. евро

Бирданига икки футболчининг нархи 50 млн. евро қимматлади.  Булар  – Неймар ва Де Брейне. Белгиялик футболчи бир йил ичида 83,3 фоизга (Неймар — 50 фоиз) қимматлади ва энди 110 млн. еврога баҳоланяпти.

  1. Тимо Вернер (21 ёш), «Лейпциг»

+52 млн. евро

Агар Бундеслигани кузатаётган бўлсангиз, бу футболчини яхши танийсиз. Бу иқтидор эгасининг салоҳияти жуда баланд, нархи ҳам шунга яраша ўсди.

  1. Муҳаммад Салоҳ (25 ёш), «Ливерпуль»

+53 млн. евро

2017 йили у қаҳрамонга айланди. Терма жамоасини ЖЧ-2018га олиб чиқди. «Ливерпуль»да кўрсатаётган ўйини ҳам ҳайратланарли.

  1. Габриэл Жезус (20 ёш), «Манчестер Сити»

+54 млн. евро

Бир йил аввал энди-энди танилган футболчи ҳозирда клубининг ҳам, Бразилия терма жамоасининг ҳам асосий ҳужумчиси.

  1. Филиппе Коутиньо (25 ёш), «Барселона»

+55 млн. евро

Яна бир бразилиялик футболчида мисли кўрилмаган ўсиш кузатилди. «Барселона» уни деб ақлдан озди ва катта машаққат ва суммага ниҳоят қишки трансфер ойнасида харид қилди.

  1. Лионель Месси (30 ёш), «Барселона»

 +60 млн. евро

Ўттиз ёшида ҳам нархининг бундай кескин қимматлашиши? Бунга фақат бир футболчи қодир. У — Месси!

  1. Деле Алли (21 ёш), «Тоттенхэм»

+60 млн. евро

Ўзи ярим ҳимоячи, аммо ўтган йили у «Тоттенхэм» учун 41та гол урди (АПЛда 33та).

  1. Усмон Дембеле (20 ёш), «Барселона»

+62 млн. евро

Ёзда Дембеле «Барселона»га ўтган эди. Жароҳат сабаб у уч ойдан ортиқ вақт каталонияликлар сафида ўйнай олмади. Лекин бу омадсизлик унинг ТОП-3 учликка киришига тўсқинлик қилмади.

  1. Ҳарри Кейн (24 ёш), «Тоттенхэм»

+80 млн. евро

АПЛнинг ўтган йилдаги энг яхши футболчиларидан бири. Унинг ҳамон «Тоттенхэм»далиги ҳайратланарли.  

  1. Килиан Мбаппе (19 ёш), «ПСЖ»

+86 млн. евро

Ўтган йил бошида Мбаппе шунчалик порладики, 18 ёшли болакай «Монако» сафида ЕЧЛнинг плей-офф баҳсларида 6 ўйинда 6 гол урди («Манчестер Сити», «Боруссия» ва «Ювентус»га).