«Бока Хуниорс» «Барселона»ни судга берди
Аргентинанинг «Бока Хуниорс» клуби раҳбарияти Испаниянинг «Барселона» жамоасини судга берди. Жанубий америкаликлар ҳимоячи Рамос Мингони каталонияликлар сотиб олганидан норози.
Уругвайлик 18 ёшли футболчи 2020 йил февралида, эркин агентга айланганидан сўнг, «Барселона» билан шартнома имзолаганди. Шартнома 2022 йил ёзигача тузилган.
«Бока» президенти Хорхе Амор Амеаль: «Рамос Мингони қароқчилардай тортиб олишди, бу ҳеч қандай қолипга сиғмайди. Аввалги раҳбарият Мингога жуда ёмон муносабатда бўлган. Ўшанда унинг вакили бўлганми, хабарим йўқ. Бироқ биз бугун «Барселона»ни судга берамиз, чунки футболчининг ҳуқуқи бизга тегишли. Нотўғри хатти-ҳаракатларга йўл қўймаймиз. Бу ғирт қароқчилик. Минго катта салоҳият эгаси».
Минго жорий мавсумда «Барселона» асосий жамоасида тўп сурган эмас: уч марта ўйин қайдномасига киритилди, бироқ майдонга туширилмади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter