Хабарлар тезкор Телеграм каналимизда Обуна бўлиш ×

Енгилмас Шоҳжаҳон Эргашев америкалик рақибини биринчи раунддаёқ ер тишлатди

Енгилмас Шоҳжаҳон Эргашев америкалик рақибини биринчи раунддаёқ ер тишлатди

Мағлубият нималигини билмай келаётган профессионал боксчимиз Шоҳжаҳон Эргашев бундан бир неча дақиқа аввал ўзининг навбатдаги жангини ўтказди. Бу ҳақда «Оlamsport» нашри хабар берди.

АҚШнинг Чикаго шаҳрида бўлиб ўтган 8 раундлик жангда Шоҳжаҳонга Зак Рэмси рақиблик қилди. WBA International чемпионлик камари соҳиби бўлиб турган Эргашев учун бугунги баҳс рейтинг жанги вазифасини ўтаб берди. Эргашев биринчи раунднинг ўзидаёқ рақибини нокаутга учратди.

Маълумот учун, Зак Рэмси шу кунгача профессионал рингда 13 та жанг ўтказиб, уларнинг 8 тасида ғалаба қозонган (4 таси нокаут эвазига). Бешта жангда мағлуб бўлган (3 та нокаут).

Шоҳжаҳон Эргашев эса профессионал боксдаги фаолияти давомида 15 та жанг ўтказиб, уларнинг барчасини ўз фойдасига ҳал қилган. 14 та жангда ҳамюртимиз муддатидан олдин ғалаба қозона олган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг