Андроид қурилмалар учун Xabar.uz мобил иловаси. Юклаб олиш ×

Костюм-шим кийиб, галстук тақмаган «Локомотив» мураббийлари жиддий огоҳлантирилди

Костюм-шим кийиб, галстук тақмаган «Локомотив» мураббийлари жиддий огоҳлантирилди

Фото: «Championat.asia»

Ўзбекистон профессионал футбол лигаси «Локомотив» клуби мураббийларини жиддий огоҳлантирди.

Ўзбекистон Профессионал футбол лигасининг 2018 йил 12 март кунги 35-сонли буйруғига мувофиқ суперлига футбол клублари мураббийлари кенг омманинг эътиборида бўлиши ҳисобга олиниб, улар ўйиндан олдин, ўйин вақтида ва ундан кейинги расмий маросимларда расмий кийимда (костюм, шимда ва галстук таққан ҳолда) бўлишларини таъминлаш белгилаб қўйилган ҳамда клублар раҳбарияти бу борада ёзма равишда хабардор қилинганди.

Суперлиганинг 4-туридан ўрин олган АГМК — «Локомотив» ўйинида мусобақани ўтказиш учун масъул ташкилот юқорида белгилаб берган тартибнинг бузилиши ҳолати кузатилди. Суперлига клублари бош мураббийлари юқоридаги топшириқни бажарди, бироқ «Локомотив» клуби мураббийлари 3-турда мазкур топшириққа эътибор қаратиб, 4-турда яна ўзи билганича иш тутди.

ПФЛ томонидан белгилаб берилган талабнинг бузилиши ҳисобга олиниб, ЎФАнинг Тартиб-интизом кодексининг 4-боб, 5.57 бандига асосан «Локомотив» футбол клуби ёзма равишда огоҳлантирилди. Бундай ҳол қайта такрорланса, жамоага моддий жарима солинади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг