«Манчестер Юнайтед» афсонасини қадрдон стадионида танишмади
«Манчестер Юнайтед»нинг собиқ футболчиси, айни пайтда футбол эксперти сифатида фаолият юритаётган Гари Невилл «Олд Траффорд»да ноқулай вазиятга тушиб қолди. Бу ҳақда «Советский спорт» хабар бермоқда.
Невилл Англия чемпионатининг «Челси»га қарши 36-турида шу стадионда бўлиши керак эди. Бироқ «Sky Sports» каналига репортаж тайёрлашга келган Невилл учун стадионга кириш осон кечмади. Қўриқчилар рухсатнома талаб қилишди.
«Икки марта киришга уриндим. Аммо қўриқчилар ичкарига киритишни исташмади. Улар мени танишмади. Рухсатномамни кўрсатишни сўрашди» — «The Sun» Невиллдан шундай иқтибос келтирган.
Тушунмовчилик тезда бартараф этилди, ҳар тугул қўриқчилар орасида Гари Невиллни танийдиганлари бор экан.
Маълумот учун: Гари Александр Невилл «Манчестер Юнайтед» ва Англия терма жамоаси ҳимоячиси бўлган. Рой Кин кетганидан сўнг етти йил (2005—2011 йиллар) МЮ га сардорлик қилган. Бутун футболчилик фаолиятини «Манчестер Юнайтед» сафида ўтказган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter