Осиё чемпионатига чиқа олмаган Тожикистон терма жамоаси бош мураббийни истеъфога чиқарди
Тожикистон миллий терма жамоасининг бош мураббийси Ҳаким Фузайлов ўз лавозимидан озод этилди. Бу ҳақда Тожикистон футбол федерацияси расмий сайтида хабар берилган.
Осиё кубоги-2019 саралаш баҳсларининг сўнгги ҳал қилувчи ўйинида Филиппин терма жамоасига учралган мағлубиятдан сўнг мутахассисга чиқиш эшиклари кўрсатилди.
«Авваламбор, мен жамоани бутун саралаш ўйинлари даври давомида қўллаб-қувватлаган барча Тожикистон терма жамоаси мухлисларидан узр сўрамоқчиман.
Афсуски, натижа қониқарсиз бўлди. Биз мусобақанинг финал қисмига ўта олмадик. Натижа учун барча жавобгарликни ўз зиммамга оламан ва истеъфога чиқаман», — деб баён қилган мураббий.
Фузайлов ўз сўзида Тожикистон терма жамоаси Осиё кубогининг финал қисмига чиқишга лойиқ экани, бироқ бунинг иложи бўлмагани — битта ғалаба камлик қилганини қўшимча қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter