Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

ЎзПФЛ: «Мухлислар клуби етакчиси ҳар бир ўйиннинг завқли, чиройли ва байрамона ўтишида фаол бўлиши лозим»

ЎзПФЛ: «Мухлислар клуби етакчиси ҳар бир ўйиннинг завқли, чиройли ва байрамона ўтишида фаол бўлиши лозим»

Фото: ЎзПФЛ расмий сайти

«Кўплаб янгиликлар жорий қилинган янги таҳрирдаги мусобақа Регламентида ЎзПФЛ қошида спорт тадбирларини ташкиллаштириш ва мухлислар билан ишлаш бўлими ҳам ташкил этилганлиги айни муддао бўлди», — деб ёзмоқда Ўзбекистон профессионал футбол лигаси расмий сайти.

Бундан кўзланган мақсад — янги мавсумнинг ҳар бир тур ўйинларини байрамона ўтказиш, мухлисларнинг стадионларга ташрифини оширишдан иборат.

Янгича кўринишда иш бошлайдиган мухлислар клуби етакчисининг вазифалари нималардан иборат бўлади?

«Юксак маданиятли, билим ва заковатда намуна бўла олувчи, расмий штат асосида иш бошловчи мухлислар клуби етакчиси ЎзПФЛ мазкур бўлимининг низом ва йўриқномалари асосида иш юритар экан, ЎзПФЛнинг келгусида амалга оширадиган лойиҳаларини амалга оширишга, Суперлига ва Про-лига учрашувларини юқори савияда ўтказишга ўз ҳиссасини қўшади, — дейилади клуб расмий сайтида. — Клуб сардоридан энг аввало атрофига мухлислик маданияти доирасида ишқибозлик қилувчи фаол ёшларни йиғиш, учрашувлар пайтида ўз жамоаси шарафини мазмунли ва ёқимли чақириқлар билан қўллаб-қувватлаш билан бирга рақиб жамоа ва унинг мухлислари ҳурматини сақлаш, уй ва сафар учрашувлари чоғида рақиб жамоа мухлислари билан доимий дўстона алоқалар ўрнатиш талаб этилади. Шунингдек, сардор ёшидан қатъий назар футболни чин дилдан севувчи, жамоасини нафақат ғалабали онларда, балки мағлубиятга учраганда ҳам олқишлай оладиган, мухлислик доирасида клубнинг кўплаб лойиҳаларида иштирок эта олувчи ишқибозларни мухлислар клубига аъзоликка қабул қилиш, уларнинг рағбатлатирилишини ташкил этиш, ҳатто клубга аъзо мухлисларнинг кийими борасидаги ташқи кўринишига ҳам алоҳида эътибор бериши зарур».  

Бир сўз билан айтганда, жамоаларнинг мухлислар клуби етакчиси ҳар бир ўйиннинг завқли, чиройли ва албатта, байрамона ўтишида фаол бўлиши талаб этилади.

ЎзПФЛ мухлислар клуби аъзоларининг кўриниши айнан қандай тартибда бўлиши «мақсадга мувофиқ» эканини ҳам қўшимча қилган:

«Пахтакор» фан-клуби
Фото: ЎзПФЛ расмий сайти
«Локомотив» фан-клуби
Фото: ЎзПФЛ расмий сайти

 

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг