Қимматга келган Дембеле текинга кетадиган бўлди
«Барселона»нинг 25 ёшли қанот ҳужумчиси Усмон Дембеле Лондоннинг «Челси» клубига текинга ўтади. Бу ҳақда Daily Mail хабар берди.
Француз футболчиси каталонияликлар билан янги шартнома тузишни рад этди, деб ёзди нашр. Шу тариқа шартнома муддати тугаши билан Дембела эркин агентга айланади. Оддий ифодаланганда, «Барселона» унинг эвазига бир цент ҳам ишлай олмайди.
Ортда қолган мавсумда Испания Примерасида 21 ўйинда майдонга туширилган Дембеле 1 та гол ва 13 та голли узатма муаллифига айланди. Яна учта сариқ карточкаси ҳам бор...
Усмон Дембеле «Барселона» шарафини 2017 йилнинг 25 августидан бери ҳимоя қилиб келмоқда. У Дортмунднинг «Боруссия»сидан 140 миллион еврога сотиб олинганди. Ҳозирги нархи эса, Transfermarkt талқини бўйича, 30 миллион евро атрофида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter