Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Расман! Бокс бўйича Токио-2020 жаҳон лицензион мусобақаси бекор қилинди

Расман! Бокс бўйича Токио-2020 жаҳон лицензион мусобақаси бекор қилинди

Халқаро Олимпия қўмитаси томонидан бокс бўйича Токио-2020 лицензион мусобақасини ўтказиш бўйича тузилган ишчи гуруҳи ушбу спорт тури бўйича Парижда ўтиши режалаштирилган жаҳон лицензион мусобақаси бекор қилинганини расман тасдиқлади. Бу борада барча Миллий олимпия қўмиталарга расмий хабар юборилмоқда.

Хабарда бутун дунёда янги эпидемиологик вазиятнинг қайта авж олаётгани, спортчиларнинг саломатлигини ҳимоя қилиш ташкилотнинг асосий мақсади экани сабаб қилиб кўрсатилган. Шу тариқа, июнь ойида Парижда ўтадиган жаҳон лицензион мусобақаси ўтказилмайдиган бўлди.

Ҳозирда бокс бўйича 53 та йўлланма (32 эркаклар ва 21 аёллар) тақсимланмай қолган эди. Маълум қилинишича, ушбу квоталар барча қитъаларга боксчиларнинг Олимпия вазн тоифаларидаги рейтинг поғоналарига қараб тарқатилади. Бунда сўнгги 4 йил (2017-2021) орасида ўтказилган халқаро мусобақалар инобатга олинади. Бунгача ўтказилмаган Америка ва Европа қитъаларидаги саралаш мусобақалари май-июнь ойларида бўлиб ўтади.

Эслатиб ўтамиз, бокс бўйича Ўзбекистон терма жамоаси ўтган йил Иорданияда ўтган лицензион мусобақа орқали 7 та (6 эркак ва 1 аёл) йўлланмани қўлга киритган эди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг