Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Роберто Карлос мастер-класс намойиш қилди (фото)

Роберто Карлос мастер-класс намойиш қилди (фото)

Фото: ЎФА матбуот хизмати

Жаҳон футболи юлдузи Роберто Карлос пойтахтимизга ташриф буюргани ҳақида аввал хабар бериб ўтгандик.

«Реал» клубининг собиқ аъзоси дастлаб ЎФА раҳбарияти билан учрашди. Унга миллий чопонимиз ва дўппимиз совға қилинди. Бу ҳақда ЎФА матбуот хизмати хабар берди.

Шундан сўнг, бразилиялик жаҳон чемпиони  ёш футболчилар учун ЎФА майдонида ташкил этилган мастер-классда иштирок этди. У турли футбол мактабларидан келган болажонлар учун маҳорат дарсларини намойиш қилди.

Кейин шу ернинг ўзида фахрий футболчилар иштирокида ўртоқлик ўйини бўлиб ўтди. Унда Азамат Абдураимов, Виктор Карпенко, Зайниддин Тожиев, Элдор Магдеев, Баҳодир Аҳмедов, Александр Хвостунов, Алексей Рощин каби футболчилардан ташкил топган «Пахтакор» ва Ўзбекистон терма жамоасининг фахрийлари иштирок этишди. Роберто Карлос ҳар иккала жамоа таркибида битта таймдан майдонда тўп сурди. Учрашув Ўзбекистон терма жамоаси фахрийларининг 2:1 ҳисобидаги ғалабаси билан якунига етди. Карлос голлардан бирига муаллифлик қилган. 

Шундан кейин Роберто Карлос Меҳрибонлик уйлари тарбияланувчилари ўртасидаги Жаҳон чемпионати ғолиби бўлган болажонлар ва бошқа футбол мактаблари тарбияланувчиларига турли совғалар тақдим қилди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг