Хабарлар тезкор Телеграм каналимизда Обуна бўлиш ×

Шоҳжаҳон Эргашев эртага баланд бўйли енгилмас Фоксга қарши жанг ўтказади

Шоҳжаҳон Эргашев эртага баланд бўйли енгилмас Фоксга қарши жанг ўтказади

Фото: «Оlamsport.com»

Ўзбекистонлик профессионал боксчи Шоҳжаҳон Эргашев Тошкент вақти билан эртага тонгда навбатдаги жангини ўтказади.

Айни пайтда Бутунжаҳон бокс ассоциацияси (WBA) рейтингида бешинчи ўринни эгаллаб турган боксчимиз АҚШнинг Канзас штати Малвэйн шаҳридаги «Kansas Star Arena» мажмуасида америкалик Майкл Фоксга қарши рингга кўтарилади.

Бугун боксчилар анъанага кўра тарозидан ўтиш маросимида иштирок этишди. Эргашев 63,5 кг тош босди. Шоҳжаҳондан бўйи сезиларли даражада баланд бўлган Фокс ҳам деярли шунча вазнга эга эканлиги ойдинлашди, деб хабар берди «Оlamsport.com».

Эслатиб ўтамиз, иккала боксчи ҳам ўз фаолиятларида ҳали мағлубият аламини тотиб кўрмаган. Ҳатто дуранг ҳам йўқ. Фокс 19 та жангнинг барчасида ғалаба қозонган. Эргашев ва Фокс ўртасидаги жанг эртага соат 06:00дан бошлаб «Sport» телеканалида тўғридан-тўғри намойиш этилади.

Аввалроқ Шоҳжаҳон Эргашев бу муҳим жангга қандай тайёргарлик олиб боргани ҳақида хабар бергандик.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг