Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Уэйн Руни «МЮ»да ўйнаганда Роналду билан «Макдоналдс»га борганини тан олди

Уэйн Руни «МЮ»да ўйнаганда Роналду билан «Макдоналдс»га борганини тан олди

«Манчестер Юнайтед» клуби собиқ ҳужумчиси Уэйн Руни ўз вақтида Криштиану Роналду билан бирга «Макдоналдс»га борганини тан олди. Улар ўйин олдидан, тунда овқатланиш учун муассасага боришган.

Рунининг айтишича, «МЮ»да ўйнаган вақтларда кўп вақтини Роналду билан бирга ўтказган. «Бир сафар ўйин олдидан тунда «Макдоналдс»га кирганимиз ёдимда. Чунки у бигмак ейишни истаган эди. Ўша вақтларда Роналду жуда озғин эди ва бироз вазн тўплашни хоҳларди», — дейди футболчи.

Руни ҳозирда Криштиану Роналду спорт формасини қандай қилиб бу қадар идеал ҳолатда ушлаб турганидан ҳайратда эканини яширмаган. Роналду кунига олти маҳал тамадди қилади ва жисмоний машқларни фаол бажаради.

Эслатиб ўтамиз, Криштиану Роналду 2003 йилдан 2009 йилга қадар «Манчестер Юнайтед» шарафини ҳимоя қилган. У клуб билан уч марта Англия чемпиони бўлиб, бир марта Чемпионлар лигасида ғолиб чиққан. Шунингдек Мадриднинг «Реал» клуби сафида икки марта Испания чемпиони бўлиб, тўрт марта Чемпионлар лигасида ғалаба қозонган.

Роналду 2018 йилдан буён «Ювентус» шарафини ҳимоя қилиб келмоқда. Уэйн Руни эса 2004 йилдан 2017 йилга қадар «Манчестер Юнайтед»да ўйнаган. Айни вақтда эса «Дерби Каунти» шарафини ҳимоя қилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг