Хоразм вилояти ҳокими боксчи Дилшодбек Рўзметовни «Спарк» билан мукофотлади
2019 йилнинг 7-21 сентябр кунлари Россиянинг Екатеринбург шаҳрида катталар ўртасида ўтказилган бокс бўйича жаҳон чемпионатида хоразмлик чарм қўлқоп устаси Дилшодбек Рўзметов кумуш медал соҳиби бўлган эди. Президентимиз Фармонига биноан Дилшодбек «Келажак бунёдкори» медали, шунингдек пул мукофоти ва «Gentra» автомобили билан мукофотланди.
Хоразмлик бокс иҳлосмандлари жаҳон чемпионатининг шоҳсупасидан муносиб жой эгаллаган иқтидорли спортчини тантанали кутиб олдилар. Хоразм вилояти ҳокими Ф. Эрманов юртимиз шаъни ва обрўсини дунё миқёсида муносиб ҳимоя қилган боксчининг рингда эришган ғалабаларини эътироф этиб, «Спарк» автомашинаси билан мукофотлади. Мухлислар Дилшодбек Рўзметов 2020 йилда Япония пойтахти Токиода ўтказиладиган навбатдаги Ёзги Олимпиада ўйинлари йўлланмасини қўлга киритиб, ушбу нуфузли мусобақада юртимиз байроғини баланд кўтаришига ишонч билдирдилар.
Одилбек Одамбоев,
(«Халқ сўзи»)
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter