Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Зидандан навбатдаги суперзарба! Бу сафар футболда эмас... (видео)

Зидандан навбатдаги суперзарба! Бу сафар футболда эмас... (видео)

Фото: «Sports.ru»

Мадриднинг «Реал» клуби бош мураббийи Зайниддин Зиданнинг ўйинларини кўрган мухлислар борки, унинг қойилмақом зарбаларини яхши эслайди. Европа чемпионлар лигаси финалида «Байер» дарвозасига урган голи, жаҳон чемпионати финалида Италия терма жамоаси ҳимоячиси Марко Матераццининг кўкрагига боши билан йўллаган машҳур «зарбаси»...

Бу рўйхатни яна узоқ давом эттириш мумкин, аммо Зиданнинг навбатдаги зарбаси «аввалгиларга ўхшамас». Унинг бильярд столида намойиш этган маҳорати шу кунларда ижтимоий тармоқларда кенг оммалашди.

Видеотасвирда бильярд ўйнаётган ота-бола кутилмаганда Зиданни учратиб қолгани кўринади. Ўғлининг «дада, қаранг, Зизу» деган сўзларидан сўнг ота Зидандан ўғли учун мастер-класс ўтказиб беришни сўрайди.

Зидан битта зарба билан етти шарни лузага туширади. Ўз даврининг моҳир футболчиси ва ажойиб мураббийнинг бильярддаги зарбаси футболда урган суперголларидан қолишмайди. Видеони томоша қилинг ва ўзингиз ҳам бунга ишонч ҳосил қилинг.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг