«Google» Мексикада текин Wi-Fi тармоқларини ишга туширди
«Google» корпорацияси симсиз «қайноқ нуқталар» орқали Лотин Америкасидаги ўз фойдаланувчилари сонини оширишга қарор қилди. «Google» компанияси Мексикада интернетга бепул киришни таъминлайдиган 56 та Wi-Fi масканларини ташкил қилди, деб хабар берди «NV.ua».
Кейинчалик компания ўзининг Wi-Fi маконларини кенгайтиришни режалаштирмоқда. Мексика «Google» компанияси ўзининг «Station» лойиҳасини амалга оширишни бошлаган Лотин Америкасидаги биринчи мамлакатга айланди. Мазкур тармоқ симсиз бутунжаҳон интернет тармоғига (реклама моделлари билан бирга) киришни таъминлайди.
Дастлабки босқича Wi-Fi ҳудудлар бутун мамлакат бўйлаб, Сюдад-Хуаре аэропортидан тортиб, АҚШ чегарасигача бўлган йўлларда, шунингдек, Мексикадаги савдо марказларида ишга тушди.
Эслатиб ўтамиз, компания бунга қадар Ҳиндистон ва Индонезияда ҳам Wi-Fi нуқталарини ўрнатган эди. Ҳозирда Ҳиндистонда ҳар ой «Google Station»дан 8 миллионга яқин одам фойдаланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter