11 октябрда Тошкентда бўлиб ўтадиган «Mobicon 2018» мобил конференцияси доирасида «Select Communication Group»нинг (Қозоғистон) бошқарув ҳамкори Виктор Елисеев иштирок этади. Викторнинг чиқиши соат 10:05 га белгиланган бўлиб, спикер «Интернет-маркетингда сотишнинг авто-воронкасини ташкил қилиш» хусусида сўзлайди.

Виктор Елисеев – маркетинг, медиа ва PR соҳасида 20 йиллик тажрибага эга мутаҳассис, «SBS Swiss Business School» (Цюрих) бизнес бошқаруви доктори, «Select Communication Group раҳбари». Медиа-менеджер, теле-продюссер ҳамда «Ўз номинг ёрдамида қандай пул ишласа бўлади» китоби муаллифи. 

Эслатиб ўтамиз, анжуман 11 октябрь куни соат 09:30 да бошланиб, соат 17:00 да ҳомийлар томонидан ўйналадиган қимматбаҳо совғалар билан якунланади. 

Конференция эшиклари 08:30 дан очилиб, биринчи ташриф буюрувчи меҳмонларни «Beeline Uzbekistan» компанияси томонидан интернет-совғалар кутмоқда.

Иштироки режалаштирилган спикерларнинг тўлиқ рўйхати билан конференция расмий сайти – «Mobicon.uz»да танишиш мумкин.