Оммабоп Redmi смартфонининг нархи рекорд даражада пастлади
Куни кеча Jingdong сайтидаги расмий Xiaomi дўкони 12/256ГБ хотирага эга бўлган Redmi K40 смартфонининг нархини 359 долларгача пасайтирганини эълон қилди.
Смартфон дастлаб 420 доллардан сотила бошланган эди, кейин эса унинг нархи 385 долларгача тушди. Xiaomi ва Redmi раҳбарияти бир неча бор Redmi K40 ни энг кўп сотилган ҳамда нархига арзийдиган энг яхши смартфонлардан бири деб таъкидлаган эди.
Эслатиб ўтамиз, Redmi K40 қурилмаси Snapdragon 870 чипи, LPDDR5 ва UFS 3.1 хотираси, 120Hz экран янгиланиш частотасини қўллаб-қувватловчи ҳамда FHD+ резолюциядаги АМОЛEД дисплейи билан жиҳозланган. Ушбу дисплей Samsung компанияси томонидан ишлаб чиқаилган бўлиб, DisplayMate A+ даражасига эга.
Шунингдек, смартфон Wi-Fi 6E, инфрақизил порт, Dolby Atmos технологиясини қўллаб-қувватловчи стерео динамиклар, икки диапазонли GPS, NFC ҳамда IP53 чанг ва намликдан ҳимоя стандартига эга.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter