Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Талабалар ҳали Ўзбекистонда жорий этилмаган инновацияга қўл уришди

Талабалар ҳали Ўзбекистонда жорий этилмаган инновацияга қўл уришди

Фото: «Inha.uz»

Тошкент шаҳридаги Инҳа университети (IUT)нинг бир гуруҳ талабалари «Учувчисиз технологиялар» компаниясида меҳнат қилиб, ерни таҳлил қилиш ва прогнозлаш тизими модулини ишлаб чиқиш устида ишламоқдалар, деб хабар берди университет матбуот хизмати.

Учувчисиз тизимларни эксплуатацияси бўйича «Учувчисиз технологиялар» компанияси 2017 йилнинг охирида «Ўзбекозиқовқатхолдинг» ХК қошида ташкил этилган.

Компания «Птеро G1» (Россия) нинг учувчисиз авиация тизимларини қишлоқ хўжалиги экинлари ўлчами ва уларнинг ривожланиш мониторингини олиб бориш учун эксплуатация қилади. Бу эса ўз вақтида картографик материалларни янгилаш ва агротехник тадбирлардаги камчиликларни бартараф этиш имконини беради.

УУА (учувчисиз учиш аппаратлари) орқали фотосуратга олиш қишлоқ хўжалиги ер майдонини тез ва тўғри баҳолаш имконини беради. Доимий мониторинг эса ҳосилнинг сифатини назорат қилиш ва экинлардаги ўғирлик ҳолати ва ҳосилнинг зарарланишини баҳолаш имконини беради. Бу маълумотларнинг барчаси зудлик билан экин ҳолатидаги ўзгаришга жавоб бериш, ўз вақтида қарор қабул қилиш ва натижада – ердан фойдаланиш самарадорлигини оширишга ёрдам беради.

Фото: «Inha.uz»

Тошкент шаҳридаги Инҳа университети талабалари Ширин Ахмедходжаева, Ҳумоюн Аминаддинов (2-босқич талабалари), Дилмурод Мадраҳимов (3-босқич талабаси) ва Юнус Саъдуллаев (1-босқич талабаси) «Птеро G1»УУА ёрдамида яратилган фотосуратлар асосида ер майдони ҳолатини таҳлил қилиш ва прогнозлаш тизими модулини яратишди.

Дастурий таъминот бир спектраль таҳлилни амалга ошириш ва ўсимликларнинг индекси NDVI (Normalized Difference Vegetation Index)ни ҳисоблаб чиқиш имконини беради.

Талабалар минтақамизнинг ўзига хослигини инобатга олган ҳолда жуда истиқболли йўналишни танлашди. Шуниси қувонарлики, улар ўзларининг ахборот технологиялари соҳасидаги билимларини кўнгилочар нарсаларга эмас, балки Ўзбекистон қишлоқ хўжалиги соҳасини ривожлантиришга йўналтиришди. Таъкидлаш жоизки, улар томонидан амалга оширилган ҳамда амалга оширилаётган ишлар инновацион бўлиб, ҳали Ўзбекистонда ҳеч ким томонидан жорий этилмаган.

Шавкат Қодиров, «Учувчисиз технологиялар» компанияси директори

— Мультиспектраль тасвирлар ёрдамида «RedEdge Micasense» камерасидан фойдаланган ҳолда биз майдоннинг NDVI харитасини яратамиз, — дейди Ҳумоюн Аминаддинов. — Кейин алгоритм заиф/ночор (сув тақчил ёки жуда кўп бўлган) жойларни аниқлаб, ўсиш самарадорлигини ошириш учун зарур чора-тадбирлар қабул қилишга ёрдам беради».  

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг