Хабарлар тезкор Телеграм каналимизда Обуна бўлиш ×

Тошкентдаги музейда 7 тилда гапирадиган робот-гид хизмат кўрсатмоқда (фото)

Тошкентдаги музейда 7 тилда гапирадиган робот-гид хизмат кўрсатмоқда (фото)

Фото: «Xabar.uz»

Бугун, 4 май куни Алоқа тарихи музейида алоқа соҳаси ходимларининг касб байрамига бағишланган тадбир бўлиб ўтди. Бу ҳақда «Xabar.uz» мухбири хабар бермоқда.

Фото: «Xabar.uz»

Танатанали тадбирда АКТ вазири Шуҳрат Содиқов сўзга чиқди ва соҳанинг 64 нафар ходимига вазирликнинг идоравий мукофотларини топширди.

Шундан сўнг музей биносида янги – «Соҳа фахрийлари» экпозициясининг очилиш маросими ўтказилди.

Фото: «Xabar.uz»

Бу экпозицияда ўрнатилган сенсорли экранда соҳада узоқ йиллар ишлаган меҳнат фахрийлари, давлат ва вазирлик идоравий мукофотларига сазовор бўлган мутахассислар ҳақидаги маълумотлар билан танишиш мумкин, ушбу маълумотлар базаси доимий равишда тўлдирилиб борилади. Ушбу дастурий маҳсулотни Тошкентдаги ИНҲА университети мутахассислари тайёрлашган.

Фото: «Xabar.uz»

Музейда ташриф буюрувчиларга етти тилда сўзловчи робот-гид хизмат кўрсатмоқда. У сиз билан бемалол гаплашади, рақсга тушиб беради, ҳатто ҳазиллашиб ҳам қўяди.

Музей ходимларининг билдиришларича, робот-гид ҳозирча биринчи қаватда хизмат қиляпти, келгусида музейнинг ҳар бир қаватига ана шундай робот-гидлар қўйилиши режалаштирилган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг