Namanganda ikkita yangi avtozavod quriladi
Namangan viloyati To‘raqo‘rg‘on shahrida qiymati 10 million dollarlik yangi avtomobil zavodi quriladi. Bu haqda nuz.uz nashri ma’lum qilmoqda.
Loyihaning sarmoyachisi «Manas Savunma» kompaniyasi. Namangan viloyati hokimining investitsiyalar va tashqi savdo masalalari bo‘yicha o‘rinbosari Okibjon Inomov ma’lumotiga ko‘ra, 2021-yil dekabridan boshlab 220 ishchi har yili yetti gektarda joylashgan ishlab chiqarish maydonchasida 3000 ta kichik yuk mashinalarini yig‘adi. Investor O‘zbekistonda sotib olinmaydigan yuk mashinalari MDH va Afg‘onistonga eksport qilinishini va’da qildi.
Xuddi shu viloyatning Chust tumanida yana bir «Namangan Changan Motors» avtomobil zavodini qurish rejalashtirilgan. Uning quvvati yiliga 1,8 ming avtomobilni tashkil etadi. BAAning bir kompaniyasi zavod qurilishiga 5,8 million dollar sarmoya kiritadi. 140 ishchi bu yil iyun oyida mashinalarning birinchi partiyasini chiqaradi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter