Yaponiya benzinda yuradigan avtomobillar sotuvini to‘xtatmoqchi
2030-yillarning o‘rtalariga kelib Yaponiya benzinli dvigatelli yangi avtomobillarni sotuvdan chiqarib tashlaydi. Hozir ushbu masala bilan mamlakat iqtisodiyot, savdo-sanoat vazirligi shug‘ullanmoqda.
«Kiodo» agentligining xabariga ko‘ra, 2030-yillarning o‘rtalariga qadar sotuvga qo‘yilgan barcha yangi avtomobillarga gibrid, elektr yoki vodorodli dvigatellar o‘rnatilishi zarur.
Bunga Yaponiya bosh vaziri Yosixide Sugining 2050-yilgacha Yaponiyani issiqxona gazlaridan xoli davlatga aylantirish haqidagi niyati turtki berdi. Agar iqtisodiyot, savdo-sanoat vazirligi benzinli dvigatellardan bosh tortishni maqsad qilsa, bu ishlab chiqaruvchilarni elektr dvigatellar sohasidagi ishlarini yanada jadallashtirishiga undaydi.
Ushbu maqsadda aniq yo‘nalishlar yil oxirigacha shakllantirilishi kutilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter