Xabarlar tezkor Telegram kanalimizda Obuna bo'lish ×

Buxoroda harakatlanib ketayotgan «Nexia-3» portladi. Uch fuqaro vafot etgan

Buxoroda  harakatlanib ketayotgan  «Nexia-3» portladi. Uch fuqaro vafot etgan

Buxoroda katta yo‘lda harakatlanib ketayotgan «Nexia-3» rusumli avtomashina portladi. Bu haqda Bosh prokuratura ma’lum qilmoqda.

Unga ko‘ra, shu yilning 20-mart kuni   soat 17:20 larda  fuqaro I.N. (1970-y.t., sudlanmagan, shifokor)  o‘z boshqaruvidagi «Nexia-3»ga Buxoro shahri Gazlishoh ko‘chasidagi «Yevro Metan» gaz quyish shaxobchasidan yoqilg‘i (metan) quyadi.  So‘ng taxminan 1.500 metr masofa harakatlanib,  «G‘uzor-Buxoro-Nukus-Beynov» yo‘nalishining 223 km.ga yetganida avtomashinadagi gaz balloni portlab ketadi. Buning oqibatida   mashinadan bo‘lgan uch fuqaro - bir nafari (1970-y.t. ayol) hodisa joyida, ikki nafari (ona-bola) esa shifoxonada vafot etadi.

Ayni paytda holat yuzasidan Jinoyat  kodeksining 186-moddasi («Iste’molchilarning hayoti yoki sog‘lig‘i xavfsizligi talablariga javob bermaydigan xizmatlar ko‘rsatish») 4-qismi «a» bandi bilan jinoyat ishi qo‘zg‘atilgan.  Dastlabki tergov harakatlari olib borilmoqda.

 

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring