Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Yunusobodda ko‘pqavatli uyda chiqqan yong‘indan ikki kishi qutqarib qolindi

Yunusobodda ko‘pqavatli uyda chiqqan yong‘indan ikki kishi qutqarib qolindi

Foto: FVV YoXBB

Bugun, 31-oktyabr kuni soat 06dan 26 daqiqa o‘tganda Toshkent shahri Yunusobod tumani 15-dahasidagi ko‘p qavatli 23-uyning 31-xonadonida yong‘in bo‘layotganligi haqida yong‘in-qutqaruv xizmatiga xabar kelib tushgan.

O‘zbekiston Respublikasi FVV YoXBB OAV bilan hamkorlik qilish bo‘linmasi xabariga ko‘ra, voqea joyiga 2 ta yong‘in o‘chirish texnikalari yuborilgan. Bo‘linmalar ko‘rsatilgan manzilga 7 daqiqada yetib borgan. Ko‘rilgan tezkor harakatlar natijasida yong‘in soat 06:44 da o‘chirilgan.

Yong‘inni bartaraf etish vaqtida ushbu xonadonga mehmonga kelgan ikki nafar fuqaro: 1955-y.t. fuqaro V.G. va 1949-y.t. fuqaro L.G. yong‘in o‘chiruvchilar tomonidan qutqarilgan (hozirda ahvoli qoniqarli).

Yong‘indan uyning 45 kv.metr maydoni saqlab qolingan. Tan jarohati olgan va halok bo‘lganlar yo‘q.

Foto: FVV YoXBB

Yong‘in oqibatida uyning 5 kv.metr maydonda xona jihozlari yonib zararlangan. Hodisaga mast holda sigareta chekib, uxlab qolish sabab bo‘lgani taxmin qilinmoqda. Moddiy zarar miqdori aniqlanmoqda.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring