Xabarlar tezkor Telegram kanalimizda Obuna bo'lish ×

Ichki ishlar xodimi haftasiga necha soat ishlashi lozim?

Ichki ishlar xodimi haftasiga necha soat ishlashi lozim?

Foto: Xabar.uz

Ichki ishlar organlari xodimlariga nisbatan mehnat to‘g‘risidagi qonun hujjatlarining amal qilishi ichki ishlar organlarida xizmatni o‘tash masalalarini belgilovchi qonun hujjatlarida va ushbu Qonunda tartibga solinmagan qismiga nisbatan tatbiq etiladi.

Ichki ishlar organlari xodimlari ish vaqtining davomiyligi haftasiga qirq soatdan oshishi mumkin emas.

— Zarur bo‘lgan hollarda, ichki ishlar organlari xodimlari xizmatni o‘tashga kuchaytirilgan (ichki ishlar organlari xodimlari uchun kuniga ish vaqtidan tashqari davomiyligi to‘rt soatdan oshmaydigan ish belgilanadi) yoki sutkalik (ichki ishlar organlari xodimlari uchun xizmatni O‘zbekiston Respublikasi Qurolli Kuchlari harbiy xizmatchilariga umumqo‘shin payogi normalari doirasida belgilanadigan oziq-ovqat payogini kompensatsiya qilish o‘rniga xizmatni o‘tash joyida uch mahal bepul ovqatlangan holda sutkalik o‘tash belgilanadi) rejimda jalb qilinishi mumkin.

Kuchaytirilgan va sutkalik rejimni joriy etish hamda bekor qilish, shuningdek ichki ishlar organlari xodimlarini harbiy harakatlarda ishtirok etishga jalb qilish O‘zbekiston Respublikasi ichki ishlar vazirining buyrug‘i bilan amalga oshiriladi.

— Ichki ishlar organlarining xodimlariga ta’tilni o‘tkazish joyiga borish va qaytish uchun zarur bo‘lgan, biroq uch kundan oshmaydigan vaqt qo‘shilgan holda davomiyligi o‘ttiz kalendar kun bo‘lgan haq to‘lanadigan har yilgi ta’til beriladi.

— Ichki ishlar organlarining xodimlariga quyidagi kalendar hisobdagi xizmat davri uchun:
10 yillik xizmatdan so‘ng — davomiyligi besh kun;
15 yillik xizmatdan so‘ng — davomiyligi o‘n kun;
20 yillik xizmatdan so‘ng — davomiyligi o‘n besh kun bo‘lgan, haq to‘lanadigan qo‘shimcha ta’til beriladi.

— Ichki ishlar organlarining xodimlariga ilmiy va pedagogik faoliyatdan tashqari haq to‘lanadigan boshqa faoliyat turlari bilan shug‘ullanish taqiqlanadi.

«Ichki ishlar organlarida xizmatda bo‘lishning cheklangan yoshi safdorlar va serjantlar tarkibi xodimlari uchun ellik yoshni, ofitserlar tarkibi uchun —55 yoshni, generallar tarkibi uchun —60 yoshni, ayollarga esa (mavjud unvonidan qat’i nazar) —50 yoshni tashkil etadi.

Ichki ishlar organlarining safdorlar, serjantlar va ofitserlar tarkibining maxsus unvonlariga ega bo‘lgan, belgilangan chegaradagi yoshga to‘lgan xodimlari zaxiraga yoki iste’foga chiqariladi.

— Yuksak kasbiy tayyorgarlikka, egallab turgan lavozimida ish tajribasiga ega bo‘lgan va sog‘lig‘ining holatiga ko‘ra xizmatni o‘tashga yaroqli xodimlarning xizmat muddati O‘zbekiston Respublikasi ichki ishlar vaziri tomonidan belgilangan tartibda ushbu xodimlarning roziligi bilan 5 yilgacha, boshliqlar tarkibidagi, O‘zbekiston Respublikasi Ichki ishlar vazirligi ta’lim muassasalarida professor-o‘qituvchilik lavozimlarini egallab turgan va ilmiy darajaga ega bo‘lgan shaxslarning xizmat muddati esa 10 yilgacha bo‘lgan muddatga uzaytirilishi mumkin.

— Xizmat faoliyatida yuqori natijalarga erishganlik, majburiyatlarini namunali tarzda bajarganlik, benuqson xizmat qilganlik va ichki ishlar organlari tizimini rivojlantirish va takomillashtirishga katta hissa qo‘shganlik, xizmat burchini bajarish chog‘ida mardlik va jasorat ko‘rsatganlik, shuningdek boshqa alohida xizmatlari uchun xodimlar O‘zbekiston Respublikasining davlat mukofotlari, shuningdek qonun hujjatlarida belgilangan tartibda O‘zbekiston Respublikasi Ichki ishlar vazirligi tomonidan ta’sis etiladigan farqlovchi idoraviy belgilar bilan taqdirlanishga taqdim etilishi mumkin.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring