Xabarlar tezkor Telegram kanalimizda Obuna bo'lish ×

28 October, 1919

Xalq banki raisi «Mikrokreditbank»ka rahbar bo‘ldi

Insayder 28/10, 17:12 0 2954

Shu vaqtga qadar Xalq banki boshqaruv raisi lavozimida ishlab ketgan Murodullo Eshmatov «Mikrokreditbank» ATB boshqaruvi raisi etib tayinlandi. Ushbu tayinlovni «Xabar.uz» manbasi tasdiqladi.

Eslatib o‘tamiz, «Mikrokreditbank» ATB boshqaruv raisi lavozimida ishlab kelgan O.Alimardonov shu yilning 24-oktyabr kuni bank faoliyatida yo‘l qo‘ygan kamchiliklari sabab ishdan bo‘shatilgan edi.

Murodullo Eshmatov esa 2019-yilning aprel oyida Xalq banki boshqaruv raisi etib tayinlangandi. U ushbu vazifaga o‘tishidan avval Sirdaryo viloyati hokimining birinchi o‘rinbosari, Markaziy bank Raisi o‘rinbosari lavozimlarida ishlagan.

27 September, 1919

Prezident maslahatchisiga o‘rinbosar tayinlandi

Insayder 27/09, 11:16 0 2659

Jo‘raboyev Abdurashid Abduvohidovich Prezident farmoniga muvofiq O‘zbekiston Respublikasi Prezidentining yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisining o‘rinbosari lavozimiga tayinlangan. Bu haqda «Davletovuz» kanali xabar berdi. 

Bungacha A.A.Jo‘raboyev Vazirlar Mahkamasining Yoshlar siyosati, madaniyat, ma’naviyat, ommaviy axborot vositalari, ijodiy va jamoat tashkilotlari masalalari kotibiyati mudiri lavozimida ishlab kelayotgan edi.

06 September, 1919

Farg‘onada MIB xodimi kaltaklandi

Insayder 06/09, 15:16 0 3154

Joriy yilning 30-avgust kuni MIBning Rishton tuman bo‘limi davlat ijrochisi M.O. o‘z xizmat vazifasini bajarish davomida qarzdor M.M.(1990-y.t.) ni «Uchariq» mahallasi xududida uchratib qolgan va aliment to‘lovlaridan bo‘lgan qarzlarini undirish bilan bog‘liq ijro harakatlarini amalga oshirish uchun uni o‘zi bilan birga MIB tuman bo‘limiga borishi lozimligini bildirgan.

Bosh prokuratura matbuot xizmatiga ko‘ra, qarzdor M.M. uni haqorat qilib, qonuniy talablariga bo‘ysunmasdan faol qarshilik ko‘rsatib, urib tan jarohati yetkazgan.

Mazkur holat yuzasidan 5-sentyabr tuman prokuraturasi tomonidan M.M nisbatan JKning 219-moddasi 2-qismi bilan jinoyat ishi qo‘zg‘atilgan. Tergov harakatlari davom etmoqda.

Eslatib o‘tamiz, Koson tumanida ham MIB xodimlariga kuch ishlatilgan edi. 

16 August, 1919

Kun fotosi: Jahongir Ortiqxo‘jayev va «Kun.uz» jurnalistlariga tajovuz qilgan hokim o‘rinbosari

Hodisa 16/08, 10:36 0 8540

Toshkent shahar hokimi Jahongir Ortiqxo‘jayev, Olmazor tumani hokimi Baxtiyor Rahmonov (oq futbolkada) va kechagi kun qahramoni — Olmazor tumani hokimi o‘rinbosari Abdurasul Vahobov (qora futbolkada), deb fotoxabar tarqatdi telegramdagi «Qo‘shni mahalla» kanali.

«Ayni daqiqalar. Abdulla Qodiriy nomidagi istirohat bog‘i yonida. Aftidan, kechagi voqealar muhokama qilinayotganga o‘xshaydi...», deyiladi xabarda.

Eslatib o‘tamiz, 14-avgust kuni Olmazor tumani hokimi o‘rinbosari Abdurasul Vahabov surishtiruv uchun oldiga kelgan «Kun.uz» xodimlariga tajovuz qilgan, ularning shaxsiy mulkiga zarar yetkazgandi.

Oliy Majlis deputati va boshqa tashkilotlar Olmazor tumani hokimi o‘rinbosarining xatti-harakatlarini qoralab, uning javobgarlikka tortilishi masalasi ko‘rilishi lozimligini qayd etishgandi.

Toshkent shahar hokimligining xabar berishicha, «Kun.uz» sayti muxbiri va Olmazor tuman hokimi o‘rinbosari o‘rtasida yuz bergan noxush hodisaga aloqador barcha holatlarni aniqlashtirish uchun vaziyat o‘rganilmoqda. Hokimlik bugun soat 15:00 ga qadar voqea tafsilotlarini ma’lum qilishini bildirgan.

01 June, 1919

Hotamjon Ketmonov partiya raisligidan ketgani aytilmoqda

Jamiyat 01/06, 13:01 0 5537

O‘zbekiston Xalq demokratik partiyasi Markaziy Kengashi raisi Hotamjon Ketmonov egallab turgan lavozimidan ozod etilgani aytilmoqda. Bu haqda «Human.uz» xabar berdi.

Ma’lum qilinishicha, uning o‘rniga Namangan davlat universiteti rektori lavozimida ishlab kelayotgan Ulug‘bek Inoyatov tayinlandi.

Ma’lumot o‘rnida, H.Ketmonov XDPni 2013-yildan buyon boshqarib kelgan. U.Inoyatov esa 2018-yil iyun oyida rektorlikka tayinlangunga qadar, xalq ta’limi vaziri lavozimida ishlab kelgan.

22 May, 1919

Sarvar Otamurodov «Milliy tiklanish» partiyasidan ketdi

Jamiyat 22/05, 13:52 0 5852

Sarvar Otamurodov boshqa ishga o‘tganligi munosabati bilan «Milliy tiklanish» partiyasi rahbarligidan ketgan. Bu haqda «Davletovuz» kanali xabar berdi.

Ushbu xabar yuzasidan «Milliy tiklanish» partiyasi matbuot xizmati bilan bog‘landik. Matbuot xizmati xodimi bu haqda hali xabari yo‘qligini bildirdi.

Qayd etilishicha, Sarvar Otamurodov «O‘zagrosug‘urta» kompaniyasi rahbari etib tayinlangan.

Eslatib o‘tamiz, Sarvar Otamurodov 2016-yilning dekabrida o‘tkazilgan O‘zbekiston prezidentligi saylovida «Milliy tiklanish» partiyasidan nomzod sifatida ishtirok etgan.

 

21 May, 1919

Moliya vaziriga birinchi o‘rinbosar tayinlandi

Iqtisodiyot 21/05, 22:33 0 5117

Aytishlaricha, Timur Ishmetov moliya vazirining birinchi o‘rinbosari etib tayinlangan. Bu haqda telegramdagi «davletovuz» kanali xabar berdi.

U bungacha 2017-yilning iyul oyidan buyon Markaziy bank raisining birinchi o‘rinbosari sifatida ishlab kelayotgan edi. Undan avval esa Investitsiyalar bo‘yicha davlat qo‘mitasi raisining birinchi o‘rinbosari bo‘lib ishlagan.

Timur Ishmetov 1979-yili Toshkent shahrida tug‘ilgan. 2000-yili Toshkent Moliya institutining Moliya va kredit fakultetini, 2005-yili Birmingem universitetining International Money and Banking yo‘nalishi bo‘yicha magistraturasini, 2007-yili Toshkent Davlat Yuridik institutining «Huquqshunoslik» fakultetlarini tamomlagan.

Mehnat faoliyatini 2000-yili O‘zbekiston Respublikasi Markaziy bankida iqtisodchi vazifasida boshlagan.

2017-yil aprel oyiga qadar turli lavozimlarda ishlab, Markaziy bankning Monetar operatsiyalar departamenti, Xalqaro rezervlarni boshqarish departamenti, Ichki valyuta bozoridagi operatsiyalar departamenti, Valyutani tartibga solish va nazorat qilish departamentlariga rahbarlik qilgan.

10 May, 1919

Prezident tashrifidan so‘ng Uchtepa hokimi va uch sektor rahbarlari bo‘shatilgani aytilmoqda

Iqtisodiyot 10/05, 23:47 0 7557

Bugun, 10-may kuni prezident Shavkat Mirziyoyev Uchtepa tumanida bo‘lib, tuman rahbarlari, mahallalar raislari, ziyolilar, mutasaddilar bilan uchrashuv o‘tkazgani haqida xabar bergandik.

Uchrashuvda davlatimiz rahbari tumanda sanoat ishlab chiqarishi Toshkent shahri ko‘rsatkichidan 2 barobar kamligi, boshqa sohalar ham eng past darajada ekanini ko‘rsatib o‘tgandi.

Shayxontohur tumani deputati Bobur Rasulov ma’lum qilishicha, yo‘l qo‘yilgan kamchiliklar sabab Toshkentning Uchtepa tumani hokimi Shuhrat Atamuhamedov va yana uch sektor rahbari (prokuror, IIB va soliq boshliqlari) lavozimidan ozod qilingan.

Eslatib o‘tamiz, Shuhrat Atamuhamedov bundan bir yil avval Uchtepa tumani hokimi etib tayinlangandi.

Qurilish vaziri Abduqahhor To‘xtayev yana hokimlikka qaytdi

Jamiyat 10/05, 23:27 0 8116

Qurilish vaziri lavozimida ishlab kelgan Abduqahhor To‘xtayev Shayxontohur tumani hokimi etib tayinlangan.

Bugun, 10-may kuni bo‘lib o‘tgan Shayxontohur Xalq deputatlarining navbatdan tashqari sessiyasida uning nomzodi bir ovozdan tasdiqlangan. Bu haqda Shayxontohur tumani deputati Bobur Rasulov ma’lum qildi.

Eslatib o‘tamiz, Abduqahhor To‘xtayev qurilish vaziri etib tayinlanguniga qadar Toshkent shahar hokimi (2005-2011), Jizzax shahar hokimi (2016-2017) hamda Olmazor tuman hokimi (2017-2018) bo‘lib ishlagan.

Shuningdek, Shayxontohur tumani ham unga begona emas, u 1996-1999-yillarda shu tumanni boshqargan.

04 May, 1919

«Madaniyat va ma’rifat» telekanali rahbari lavozimidan ozod etilgani aytilmoqda

Insayder 04/05, 12:00 0 5460

Aytishlaricha, O‘zbekiston Milliy teleradiokompaniyasi, «Madaniyat va ma’rifat» telekanali rahbari Farhod To‘rayev egallab turgan lavozimidan ozod etilgan. Bu haqda «Xabar.uz»ga O‘zMTRKdagi manba xabar berdi. 

Shuningdek, uning o‘rniga «Oila va jamiyat» gazetasi bosh muharriri Vohid Luqmonov tayinlanishi kutilmoqda.

Farhod To‘rayev «Madaniyat va ma’rifat» telekanaliga 2018-yil avgust oyida direktor sifatida tayinlangan. Avval Samarqand televideniyesida ham faoliyat yuritgan. 

17 March, 1919

MIB o‘zining «majburiy» maqomidan ayrilishi mumkin

Insayder 17/03, 12:29 0 4796

So‘nggi vaqtlarda Majburiy ijro byurosi haqida yangrayotgan ko‘plab fikrlar, e’tirozlar, tanqidlar ortidan, nihoyat, bu xizmat faoliyati qayta ko‘rib chiqiladiganga o‘xshaydi.

«Xabar.uz»da e’lon qilingan maqolalarning birida O‘zbekiston tarixida MIB misolida misli ko‘rilmagan voqelik — prokuraturaning qonuniy tijoriylashuvi jarayonini boshimizdan kechirayotganimiz haqida mulohaza yuritilgandi. Unda MIBning vazifasi majburiyat emas, aslida xizmat ekani eslatilgandi.


Mavzuga oid: MIB: «Qarzingiz bo‘lsa noxush vaziyatga tayyor turing...»


O‘zi avval boshdanoq bu tashkilotning prokuratura tizimida bo‘lishi turli bahslarga sabab bo‘layotgan edi. Davlatning jazolovchi mexanizmiga aylanib qolishi, albatta, uning obro‘sini oshirmaydi.

MIB Adliya vazirligi huzurida yoki alohida mustaqil tashkilot sifatida, hech bo‘lmaganida, Uy-joy kommunal xizmat ko‘rsatish vazirligi qoshida tashkil etilishi kerakligi taklif qilingandi.

«Xabar.uz»ning manbasi xabar berishicha, yaqin vaqt ichida Majburiy ijro byurosi faoliyati qayta ko‘rib chiqilishi kutilmoqda.

Ma’lum bo‘lishicha, hozirda bir necha variant ko‘rib chiqilmoqda va ulardan biri tanlanishi mumkin:

  1. MIB Bosh prokuratura huzurida qoladi va uning nomidagi «majburiy» so‘zi olib tashlanib, byuroga aylantiriladi.
  2. MIBni alohida mustaqil tashkilot sifatida yo‘lga qo‘yish masalasi ko‘rib chiqiladi.
  3. MIB Bosh prokuratura tarkibidan chiqarilib, Adliya vazirligi huzurida faoliyat olib boruvchi xizmatga aylantiriladi.

Shuningdek, byuro tarkibi katta qisqartirishlarga tushishi ham aytilmoqda.

Avvalroq, majburiy ijro byurosi qoshidagi «Elektron onlayn-auksionlarni tashkil qilish markazi» davlat unitar korxonasi O‘zbekiston Respublikasi Davlat aktivlarini boshqarish agentligi tasarrufiga o‘tkazilgandi.

Kuni kecha esa, Prezident farmoni bilan O‘zbekiston prokuratura organlari tizimida ayrim lavozim (jumladan, Bosh prokuror o‘rinbosari lavozimlarining ikkita shtat birligi) va boshqarmalar tugatildi, Agrosanoat inspeksiyasi Bosh prokuraturadan Vazirlar Mahkamasiga o‘tkazildi. Mazkur hujjatdan prokuratura organlarida kadrlar siyosatini qayta ko‘rib chiqish, tizimni o‘z lavozimiga noloyiq, professional va axloqiy talablarga javob bermaydigan xodimlardan tozalashga doir vazifalar ham o‘rin oldi.


Mavzuga oid: Qonundagi bo‘shliqmi bu yoki «Ostrogorskiy-mostrogorskiy»lardan qolgan meros?


Bu o‘zgarishlar nimani anglatadi?

Prezident Shavkat Mirziyoyev mamlakatda inson manfaatlari, tadbirkorlik faoliyatini himoya qilish masalalariga deyarli har bir chiqishida alohida to‘xtaladi, huquq-tartibot idoralari xodimlari tomonidan inson huquqlarining poymol etilishi kabi holatlar uchrab turganini keskin tanqid qilib keladi. Bu borada vaziyat sezilarli darajada o‘zgardi. Xalqaro hamjamiyat O‘zbekiston hukumatining ushbu qadamlarini olqishlamoqda.

Bu yo‘nalishda prezident tomonidan belgilab berilayotgan chora-tadbirlar inson manfaatlari yo‘lida olib borilayotgan islohotlar hamon davom etayotganini va oldinda bizni jiddiy o‘zgarishlar kutib turganini bildiradi.

19 February, 1919

Shavkat Mirziyoyev Sirdaryoga uchib ketdi

Siyosat 19/02, 10:08 0 2323

Prezident Shavkat Mirziyoyev bugun 19 fevral kuni hududlarda amalga oshirilayotgan islohotlar, bunyodkorlik ishlari, yirik loyihalar bilan tanishish va xalq bilan muloqot qilish maqsadida Sirdaryo viloyatiga tashrif buyuradi.

«Xabar.uz» manbasining xabar berishicha, prezident Sirdaryoga vertolyotda uchib ketgan.

Eslatib o‘tamiz, davlat rahbarining oxirgi safari Jizzax viloyatiga bo‘lgandi.

01 February, 1919

O‘zMAA Prezident administratsiyasi tarkibiga kiritiladi. Komil Allamjonovning maqomi oshiriladi

Insayder 01/02, 20:58 0 1831

Aytishlaricha, Prezident Shavkat Mirziyoyev bugun O‘zbekiston matbuot va axborot agentligi faoliyatini takomillashtirish to‘g‘risidagi farmon va qarorni imzolagan. Bu haqda telegramdagi «davletovuz» kanali xabar berdi.

Unga ko‘ra, O‘zbekiston matbuot va axborot agentligi O‘zbekiston Respublikasi Prezidenti Adminstratsiyasi huzuridagi Axborot va ommaviy kommunikatsiyalar agentligiga aylantirilgan. Agentlik direktori esa lavozim bo‘yicha davlat rahbari maslahatchisi birinchi o‘rinbosariga tenglashtirilgan.

Shunday qilib, agentlik hukumat tarkibidan chiqarilgan hamda davlat axborot siyosatini ishlab chiqish va amalga oshirishdagi vakolatli organga aylantirilgan. Ommaviy axborot vositalarini rivojlantirish, vazirlik va idoralar matbuot xizmatlari faoliyatini yaxshilash hamda davlat organlari ochiqligini ta’minlash uning asosiy vazifalari hisoblanadi.

Bundan kelib chiqadiki, davlat axborot sohasini isloh qilishni boshlagan. Bu islohotga esa Prezidentning sobiq matbuot kotibi K.Allamjonov mas’ul bo‘ladi.

31 January, 1919

Xorazmda yana bir sud xodimi pora bilan qo‘lga olingan

Insayder 31/01, 18:48 0 1220

Xabarlarga qaraganda jinoyat ishlari bo‘yicha Urganch tuman sudi sudya yordamchisi pora bilan qo‘lga tushgan. Pora miqdori katta  emas: ikki yuz ellik ming so‘m!

«Xabar.uz» manbasiga ko‘ra, sudya yordamchisi shu pul evasiga bir fuqaroning ma’muriy suddagi «ishi»ni ijobiy hal etishga va’da bergan. Biroq...

Mazkur voqelik yuzasidan vakolatli organlar tomonidan hozircha hech qanday ma’lumot berilgani yo‘q.

Eslatib o‘tamiz, yaqinda fuqarolik ishlari bo‘yicha Urganch tumanlararo sudining sudyasi 12 ming AQSh dollarini pora tariqasida olayotganda qo‘lga tushgan edi.

28 January, 1919

Insayder: Hukumat tarkibi va vazirliklarda qator o‘zgarishlar yuz bermoqda

Insayder 28/01, 10:38 0 1183

Aytishlaricha, mamlakatda «ixcham Hukumat»ni shakllantirish bo‘yicha sa’y-harakatlar boshlangan. Shu kunlarda hukumat tarkibida, shuningdek, markaziy vazirlik hamda idoralar rahbariyatida qator o‘zgarishlar yuz berishi kutilmoqda. Bu haqda telegramdagi «davletovuz» kanali xabar tarqatdi.

Unga ko‘ra, O‘zbekiston Respublikasi Prezidenti maslahatchisi o‘rinbosari Elyor G‘aniyev Bosh vazirning investitsiyalar va tashqi iqtisodiy aloqalar masalalari bo‘yicha o‘rinbosari etib tayinlangan.

Suhrob Xolmurodov

O‘zbekiston Respublikasi Bosh vazirining o‘rinbosari — O‘zbekiston Respublikasi Investitsiyalar bo‘yicha davlat qo‘mitasi raisi Suhrob Xolmurodov egallab turgan lavozimidan ozod qilingan. U boshqa lavozimga o‘tkazilgan.

Bahodir Yusupov.

Qishloq xo‘jaligi vaziri Bahodir Yusupov ham lavozimidan ozod qilingan.

Jamshid Xo‘jayev.

Tashqi savdo vaziri Jamshid Xo‘jayev qishloq xo‘jaligi vaziri etib tayinlangan.

Sardor Umurzoqov.

Investitsiyalar bo‘yicha davlat qo‘mitasi va Tashqi savdo vazirligi qo‘shilib, yagona vazirlikka aylantirilgan. Investitsiyalar va tashqi savdo (vazirlik nomiga aniqlik kiritiladi) vaziri etib «O‘zcharmsanoat» uyushmasi raisi Sardor Umurzoqov tayinlangan. Sunnatulla Bekenov, Laziz Qudratov, Shuhrat Vafoyev, Badriddin Abidov yangi vazirga o‘rinbosar bo‘lgan.

Hozircha bu xabarlar rasmiy tasdiqlangani yo‘q. Ushbu tayinlovlarga yaqin vaqt ichida aniqlik kiritamiz.

02 November, 1818

Bosh prokurorga yangi o‘rinbosar tayinlandi

Insayder 02/11/2018 0 1041

Rashid Nasrullayevich Rahmatov O‘zbekiston Respublikasi Bosh prokurorining qishloq xo‘jaligi bo‘yicha o‘rinbosari lavozimiga tayinlandi. Bu haqda «Xabar.uz» manbasi xabar bermoqda.

Rashid Rahmatov bunga qadar Qoraqalpog‘iston Respublikasi prokurori lavozimida ishlab kelayotgan edi.

01 November, 1818

Hukumat is gazidan o‘limlar soni ortayotganidan tashvishda. Ochilboy Ramatov boshchiligida komissiya tuzildi

Jamiyat 01/11/2018 0 1160

31-oktyabr kuni Toshkent shahrining Chilonzor tumanida is gazidan zaharlanish oqibatida bir oilaning to‘rt farzandi halok bo‘ldi. 28-oktyabr kuni Rishton tumanida ikki kishi is gazidan zaharlanib vafot etdi.

So‘nggi vaqtlarda is gazidan zaharlanish oqibatida bu kabi fojiali holatlar ko‘p kuzatilmoqda. «Xabar.uz»ning hukumatdagi manbasi xabar berishicha, bugun, 1-noyabr kuni bosh vazir tomonidan o‘tkazilgan selektor yig‘ilishida ushbu masalaga ham to‘xtalib o‘tilgan.

Hukumat topshirig‘iga binoan, bosh vazir o‘rinbosari Ochilboy Ramatov boshchiligida shaxsiy uylarda isitish pechlari va isitish tizimlarini tekshirish va nazorat qilish bo‘yicha hukumat komissiyasi tuzilgan. Shunga mos ravishda viloyat va tumanlarda ham namunaviy ko‘rinishda komissiyalar tuzilishi vazifasi ham topshirilgan.

12 July, 1818

Samarqandda hokim almashgani rostmi?

Jamiyat 12/07/2018 0 917

Kecha, 11-iyul kuni qator internet nashrlari va ijtimoiy tarmoqlarda Samarqand viloyati hokimi va uning ikki o‘rinbosari, shahar hokimi va uning qurilish ishlari bo‘yicha o‘rinbosari ishdan  ketgani va hatto hibsga olingani haqida ma’lumotlar tarqaldi.

Samarqand shahridagi qurilish ishlariga yer ajratilishi, aniqrog‘i, hokimiyat rahbariyati pora evaziga qurilish kompaniyalarining qurilish qilishiga ruxsat berayotgani sabab bunday choralar ko‘rilgani ma’lum qilindi. Hatto shahar markazida turar-joy majmuasini qurayotgan shirkatlarning mutasaddilari mamlakatdan qochib chiqib ketgani aytildi. Albatta, bu xabarlar rasman tasdiqlanmadi.

«Daryo» nashri olib borgan surishtiruvlariga ko‘ra, hokim va uning o‘rinbosarlari qo‘lga olingani haqidagi xabarlar o‘z tasdig‘ini topmagan.

Samarqand shahar hokimligi matbuot xizmati ham hokim va uning o‘rinbosarlari qo‘lga olinganini rad etgan. Xabarlarda hibsga olingani aytilgan Samarqand shahar hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari Bobur Elmurodov «Daryo» muxbiri bilan uchrashgan. Elmurodov o‘z ishini davom ettirayotgani va fuqarolarni qabul qilayotgani aytiladi.

Samarqand viloyati IIB matbuot xizmati ham hokim va uning o‘rinbosarlari qo‘lga olingani bo‘yicha hech qanday ma’lumot kelib tushmaganini ta’kidlagan.

Samarqand shahri hokimi va uning o‘rinbosarlari qamalgani haqidagi xabarni birinchi bo‘lib chop etgan nashr esa ushbu yangilikni saytdan o‘chirib tashlagan.

Ammo bugun, 12-iyul kuni navbatdagi xabarlar tarqaldi. Aytishlaricha, Surxondaryo viloyati hokimi Samarqand viloyatiga, Surxondaryo viloyatiga Toshkent viloyati prokurori hokim etib tayinlangan. Bu xabarlar ham hali rasman tasdig‘ini topgani yo‘q.

Voqealar rivojini kuzatishda va ma’lumotlarni aniqlashtirishda davom etamiz. Bizni kuzatib boring.

18 May, 1818

Toshkent shahar hokimligi yangi binoga ko‘chmoqda

Jamiyat 18/05/2018 0 1169

Yaqin kunlarda Toshkent shahar hokimligi yangi binoga ko‘chib o‘tishi rejalashtirilgan. Bu haqda «Xabar.uz» manbasi xabar berdi.

Ma’lumotlarga ko‘ra, hokimlik shahardagi Islom Karimov ko‘chasiga ko‘chishi rejalashtirilgan. Bu ko‘chada hozir yangi megapolis — «Tashkent city» xalqaro biznes markazi qurilishi jadal sur’atlarda davom etmoqda.

Eslatib o‘tamiz, 2018-yil 26-aprel kuni Toshkent shahar hokimligida Bosh vazir Abdulla Aripov ishtirokida navbatdan tashqari bo‘lib o‘tgan 35-sessiyada Toshkent shahar hokimi lavozimiga Jahongir Ortiqxo‘jayev nomzodi bir ovozdan tasdiqlangan edi.

28 April, 1818

O‘zbekistonda Qandolatchilikni rivojlantirish uyushmasi tashkil etildi

Iqtisodiyot 28/04/2018 0 743

Yurtimizda qandolatchilik sohasini yanada rivojlantirish va bu sohadagi ishlab chiqaruvchilarni qo‘llab-quvvatlash maqsadida yangi zamonaviy yondashuvlarga asoslangan Qandolatchilikni rivojlantirish uyushmasi tashkil etildi.

«Xabar.uz»ga ma’lum qilinishicha, ushbu uyushma barcha qandolat mahsulotlari bilan faoliyat yurituvchi hamyurtlarimizga ko‘maklashish, rag‘batlantirish va ularning eksport salohiyatini oshirish uchun xizmat qiladi.

Uyushma rahbari etib Muxtor Mansurxadjayevich Umarov tayinlangan.

Yana