Besh tuman hokimi ikki oylik ish haqidan ayrildi
Toshkent viloyati hokimining 13-oktyabrdagi farmoyishiga asosan Pskent, Bekobod, Bo‘ka, Chinoz, Yangiyo‘l tumani hokimlari ikki oylik maoshidan ayrildi. Bu mablag‘ davlatga qaytariladi, deb xabar bermoqda «Turon24».
Hujjatda qayd etilishicha, hokimlar Vazirlar Mahkamasining 2018-yil 30-avgustdagi «2018-yil hosili paxta xomashyosini yig‘ib-terib olish ishlarini uyushqoqlik bilan tashkil etish chora-tadbirlari to‘g‘risida»gi qarori ijrosini ta’minlashda kamchiliklarga yo‘l qo‘ygani uchun mazkur chora ko‘rilgan. Bundan tashqari, tuman uchun belgilangan kunlik reja bajarilmasa, ular ishdan ozod etilishi haqida ogohlantirilgan.
Eslatib o‘tamiz, kecha, 12-oktyabr kuni Shavkat Mirziyoyev Toshkent viloyati fermerlari va qishloq xo‘jaligi mutasaddilari bilan uchrashib, paxta terimini uyushqoqlik bilan tashkil etish, hosilni yog‘inli kunlarga qoldirmay yig‘ib olish zarurligini ta’kidlagan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter