Davlat budjeti haqida ochiq ma’lumotlar berilmoqda
Moliya vazirligi davlat budjetining shaffofligi va keng jamoatchilik vakillarini davlat boshqaruvi, davlat xarajatlari ustidan jamoatchilik nazorati jarayoniga jalb qilish ustida ishlamoqda. Bu haqda vazirlik saytida ma’lum qilindi.
Qayd etilishicha, openbudget.uz portali davlat budjetining ijrosi, uning parametrlari, tarkibiy qismlari va prognoz ko‘rsatkichlari to‘g‘risida batafsil ma’lumotlarni o‘z ichiga olgan. Shuningdek, u fuqarolarga mahalliy budjetlar xarajatlari yo‘nalishlarini o‘zlari belgilashlari imkonini beradi.
Moliya vazirligining Axborot xizmati mas’ul boshqarmalar bilan birgalikda vazirlikning rasmiy veb-sahifalarida quyidagi ma’lumotlarni joylashtiradi:
- davlat budjetining daromad va xarajatlar qismi, shuningdek davlat xaridlari tizimida tuzilgan shartnomalar to‘g‘risida;
- vazirliklar va idoralarga ajratilgan mablag‘lar, shuningdek davlat dasturlari doirasida turli sohalarga ajratilgan mablag‘lar to‘g‘risida hisobot.
Ko‘rsatilgan ma’lumotlarni «Kun raqami», «Hafta raqami», «Oy raqami» ruknlarida kuzatib borish mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter