Yilning birinchi choragida Rossiyadan O‘zbekistonga qancha pul jo‘natilgani ma’lum
Joriy yilning birinchi choragida jismoniy shaxslar Rossiyadan O‘zbekistonga 726 million AQSh dollari miqdorida pul jo‘natgan. Bu o‘tgan yilning shu davriga nisbatan 17 foiz ko‘p. Bu haqda «CA-news» xabar bermoqda.
Bu haqdagi ma’lumotlar Rossiya markaziy bankining rasmiy sayti — «www.cbr.ru» saytiga joylashtirilgan.
Ikkinchi o‘rin Tojikistonga (487 million dollar), uchinchi o‘rin Qirg‘izistonga (434 million dollar) nasib qildi. Qozog‘istonga 143 million, Turkmanistonga 200 ming dollar pul jo‘natilgan.
Eslatib o‘tamiz, 2017-yilda Rossiyadan O‘zbekistonga 3,9 milliard, Tojikistonga 2,5 milliard, Qirg‘izistonga 2,21 milliard va Qozog‘istonga 709 million dollar jo‘natilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter