«Algoritm» zavodining orqasida joylashgan elektr podstansiya nima sababdan yondi?
Kecha «Algoritm» zavodining orqasida joylashgan elektr podstansiyada yong‘in kelib chiqdi. O‘zbekiston Respublikasi FVV OAV bilan hamkorlik qilish bo‘linmasi yong‘in sabablari haqida xabar berib o‘tdi.
«2019 yilning 20 iyul kuni soat 18:02da, Chilonzor tumani, Diydor ko‘chasi 71-uyda, «Algoritm» zavodining orqa tomonida joylashgan (110/10 kV) «Algoritm» elektr podstansiyasi xududida yong‘in kelib chiqdi (16000 kVt). Yong‘in natijasida transformator moyi yongan.
Yong‘in o‘chirish jangovar bo‘linmalari chaqirilgan manzilga soat 18:04da yetib borgan va ko‘rilgan tezkor harakatlar natijasida yong‘in soat 18:32da o‘chirilgan. Yong‘in joyiga 4 ta yong‘in o‘chirish texnikasi jalb qilingan. Tan jarohati olganlar va halok bo‘lganlar yo‘q. Yong‘in elektr ta’minotida ortiqcha yuklanish oqibatida sodir bo‘lgan deb, taxmin qilinmoqda.
Yong‘indan keltirilgan moddiy zarar miqdori aniqlanmoqda», — deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter