Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Gazdan beruxsat foydalandingmi? Ikki baravar haq to‘la

Gazdan beruxsat foydalandingmi? Ikki baravar haq to‘la

Foto: «nuz.uz»

Majburiy ijro byurosi Tabiiy gazdan foydalanish qoidalariga o‘zgartirish va qo‘shimchalar kiritish tashabbusi bilan chiqdi. Vazirlar Mahkamasi qarorining loyihasi QHTBT portalida muhokama qilinmoqda, deb xabar berdi «Norma».

Qoidalarga ulgurji iste’molchilar tomonidan gaz ta’minoti tarmoqlariga ruxsatsiz ulanish, hisoblagichlarni atayin buzish va plombalarni uzish faktlari aniqlanishi hollari to‘g‘risidagi normalarni qo‘shimcha qilish taklif etilmoqda.  

Barcha hollarda iste’mol qilingan gaz hisob-kitobini iste’molchi rasman davlat ro‘yxatidan o‘tkazilgan kundan boshlab (tegishli tasdiqlovchi hujjatlar mavjud bo‘lganda), biroq da’vo muddatidan (3 yil) ortiq bo‘lmagan davr mobaynida ulangan gazdan foydalanish uskunasi sutkasiga 24 soat ishlashi hisobidan kelib chiqib amalga oshirish taklif etilmoqda.

To‘lov quyidagi miqdorlarda belgilanishi mumkin:

 ruxsatsiz ulanish

ruxsatsiz foydalanilgan gaz hajmi qiymatining ikki baravari miqdorida

gazni hisobga olish priborlarini atayin buzish yoxud ularning ko‘rsatkichlarini o‘zgartirish maqsadida hisobga olish priborlari ishiga tashqaridan aralashish

gaz qiymatiga 2 koeffitsiyentni qo‘llagan holda

gazni hisobga olish priborlari, gazdan foydalanish uskunasi va baypasli (aylanma) liniyalarda o‘rnatilgan plombalarni uzish

gaz qiymatiga 2 koeffitsiyentni qo‘llagan holda

Bunda ruxsatsiz ulanib foydalanilgan gaz hajmi qiymatining undirib olinishi iste’molchini mazkur huquqbuzarlik uchun ma’muriy va jinoiy javobgarlikdan ozod etmaydi (MJTKning 101-moddasi, JKning 1852-moddasi). Bunday iste’molchi darhol gaz ta’minoti tarmoqlaridan uzib qo‘yiladi.

Loyiha rad etilishi, unga qo‘shimcha kiritilishi yoki o‘zgartirilishi mumkin.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring