Koreyada bino qulashidan halok bo‘lgan va jarohatlanganlar orasida O‘zbekiston fuqarolari yo‘q — TIV
Mamlakatimizning Seul shahridagi Elchixonasining Konsullik bo‘limi bergan ma’lumotga ko‘ra 2019-yilning 27-iyul kuni Kvandju shahridagi (Koreya Respublikasi) tungi klublardan birida yuz bergan bino qismining qulab tushishi oqibatida halok bo‘lgan va jarohatlanganlar ro‘yxatida O‘zbekiston fuqarolari, jumladan suv sporti turlari bo‘yicha jahon chempionatida ishtirok etayotgan yurtimiz sport delegatsiyasi a’zolarining nomlari yo‘q. Shahar politsiyasi ham ushbu ma’lumotni tasdiqladi.
Janubiy Koreya huquqni muhofaza qilish organlari xabariga ko‘ra mazkur hodisa oqibatida 2 kishi halok bo‘lgan, 17 kishi, jumladan 9 nafar jahon chempionatining xorijlik ishtirokchilari jarohat olgan.
Konsullik-huquqiy departamenti Koreya Respublikasi hududida bo‘lib turgan O‘zbekiston fuqarolariga ular zarurat tug‘ilgan holatlarda Seul shahridagi Elchixonaga quyidagi telefon raqamlari orqali murojaat qilishlari mumkinligini eslatib o‘tadi: +82-02-574-65-54, +82-02-577-36-60.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter